Віталь Ільіч Крамко

У Вікіпедыі ёсць артыкулы пра іншых людзей з прозвішчам Крамко.

Віта́ль Ільі́ч Крамко́ (1 студзеня 1941, д. Беражна, Карэліцкі раён — 3 красавіка 2009) — старшыня СПК «Акцябр-Гродна» Гродзенскага раёна, Герой Беларусі.

Віталь Ільіч Крамко
Дата нараджэння	1 студзеня 1941(1941-01-01)
Месца нараджэння	Беражна, Мірскі пасялковы савет, Мірскі раён, Баранавіцкая вобласць, Беларуская ССР, СССР
Дата смерці	3 красавіка 2009(2009-04-03) (68 гадоў)
Месца смерці	Гродна, Гродзенская вобласць, Беларусь
Месца пахавання	Гродна
Грамадзянства	СССР,  Беларусь
Альма-матар	Навагрудскі сельскагаспадарчы тэхнікум[d] (1967) агранамічны факультэт ГДАУ (1978)
Узнагароды і прэміі

У 17 гадоў пачаў працу рабочым на Карэліцкім вапнавым заводзе. Праз дзевяць гадоў скончыў Навагрудскі сельскагаспадарчы тэхнікум, а ў 1978 годзе Гродзенскі сельскагаспадарчы інстытут па спецыяльнасці навуковы аграном.

З верасня 1984 года — старшыня калгаса «Акцябр» Гродзенскага раёна (з ліпеня 2003 года калгас пераназваны ў сельскагаспадарчы вытворчы кааператыў «Акцябр-Гродна»).

У 2004 годзе прызнаны мецэнатам Гродзенскай вобласці, дзякуючы падтрымцы, якую ён аказвае развіццю культуры i мастацтва^[1].

Памяць

• У маі 2010 года ў цэнтры в. Квасоўка пастаўлены помнік Віталю Крамко^[2].
• З лістапада 2010 года, па рашэнні Сходу ўпаўнаважаных, СПК «Акцябр-Гродна» пераназваны ў Сельскагаспадарчы вытворчы кааператыў імя В. І. КРАМКО^[3].

Узнагароды і званні

• медаль «За доблесную працу» (1970)
• два ордэны Працоўнага Чырвонага Сцяга (1971, 1981)
• ордэн Леніна (1987)
• Заслужаны працаўнік сельскай гаспадаркі Рэспублікі Беларусь (1996)
• Герой Беларусі (30 чэрвеня 2001)

Зноскі

1. ЗВЯЗДА | БЕЛАРУСКАЯ ГАЗЕТА — ZVYAZDA | BELARUSIAN GENERAL DAILY ZVYAZDA (нявызн.)(недаступная спасылка). Архівавана з першакрыніцы 3 снежня 2012. Праверана 21 мая 2014.
2. Газета Гродненская правда, новости в Гродно :: Главное :: В Квасовке открыли памятник Герою Беларуси Виталию Ильичу Кремко(недаступная спасылка)
3. Прамысловы часопіс «Знак Якасці» Архівавана 5 сакавіка 2016.