Галіна Аляксандраўна Барташэвіч

Галіна Аляксандраўна Барташэ́віч^[2][3] (18 чэрвеня 1932, Слуцк — 12 лістапада 2021^[4]) — беларускі фалькларыст, доктар філалагічных навук (1994), лаўрэат Дзяржаўнай прэміі Беларусі (1986).

Галіна Аляксандраўна Барташэвіч
Дата нараджэння	18 чэрвеня 1932(1932-06-18)
Месца нараджэння	Слуцк, Слуцкі раён, Беларуская ССР, СССР
Дата смерці	12 лістапада 2021(2021-11-12)[1] (89 гадоў)
Грамадзянства	СССР  Беларусь
Род дзейнасці	фалькларыстка
Месца працы	Інстытут мастацтвазнаўства, этнаграфіі і фальклору імя Кандрата Крапівы НАН Беларусі АПА
Навуковая ступень	доктар філалагічных навук (1994)
Альма-матар	БДУ (1956)
Прэміі

У Вікіпедыі ёсць артыкулы пра іншых людзей з прозвішчам Барташэвіч.

Біяграфія

У 1956 годзе скончыла Беларускі дзяржаўны ўніверсітэт. У 1957—1993 гадах працавала ў Інстытуце мастацтвазнаўства, этнаграфіі і фальклору АН Беларусі. З 1993 года ў Інстытуце павышэння кваліфікацыі і перападрыхтоўкі кіруючых работнікаў і спецыялістаў адукацыі (цяпер Акадэмія паслядыпломнай адукацыі), з 1994 года на пасадзе прафесара кафедры метадаў і зместу выхавання.

Навуковая дзейнасць

Даследуе праблемы беларускай фалькларыстыкі, фальклору Вялікай Айчыннай вайны, дзіцячы, каляндарна-абрадавы і пазаабрадавы сучасны фальклор.

Аўтар кніг «Вершаваныя жанры беларускага дзіцячага фальклору» (1976), «Беларуская народная паэзія веснавога цыкла і славянская фальклорная традыцыя» (1985), «Магічнае слова» (1990), «Жанравая спецыфіка каляндарна-абрадавай паэзіі ўсходніх славян» (1993) і інш.