Ганна Уладзіміраўна Арашонкава

Ганна Уладзіміраўна Арашонкава (21 лістапада 1928(1928-11-21), Альба — 5 снежня 2008(2008-12-05), Мінск) — беларускі мовазнавец. Кандыдат філалагічных навук (1959).

Ганна Уладзіміраўна Арашонкава
Дата нараджэння	21 лістапада 1928(1928-11-21)
Месца нараджэння	Альба, Нясвіжскі сельсавет, Нясвіжскі раён, Беларусь
Дата смерці	5 снежня 2008(2008-12-05) (80 гадоў)
Месца смерці	Мінск, Беларусь
Грамадзянства	СССР
Род дзейнасці	вучоная
Месца працы	Інстытут мовазнаўства НАНБ Мінскі дзяржаўны педагагічны інстытут імя Максіма Горкага
Навуковая ступень	кандыдат філалагічных навук
Навуковае званне	дацэнт
Альма-матар	БДУ
Прэміі

Біяграфія

Нарадзілася ў маёнтку Альба (цяпер Нясвіжскі раён Мінскай вобласці, Беларусь). Скончыла Беларускі дзяржаўны ўніверсітэт у 1953 годзе. З 1956 года ў Інстытуце мовазнаўства Акадэміі навук Беларусі. У 1963—1967 года ў Мінскім педагагічным інстытуце^[1].

Навуковая дзейнасць

Даследавала сучасную беларускую мову і культуру мовы, лексікаграфію, дыялекталогію. Суаўтар прац «Дыялекталагічны атлас беларускай мовы» (1963) і «Лінгвістычная геаграфія і групоўка беларускіх гаворак» (кнігі 1-2, 1968-69; Дзяржаўная прэмія СССР 1971), «Агульнаславянскі лінгвістычны атлас» (выпуск 1, 1988); Беларуская граматыка" (частка 1, 1985), «Слоўнік беларускай мовы» (1987), «Слоўнік цяжкасцей беларускай мовы» (1987) і «Кароткі слоўнік беларускай мовы» (1994, абодва з В. П. Лемцюговай); «Руска-беларускі слоўнік сельскагаспадарчай тэрміналогіі» (1994).

Узнагароды

Лаўрэатка Дзяржаўнай прэміі СССР (1971) за ўдзел у комплексе прац у галіне беларускай лінгвагеаграфіі^[1].