Гарчыца палявая

Гарчыца палявая, або дзікая^[1] (Sinapis arvensis) — травяністая расліна сямейства крыжакветных (капуставых), пустазелле.

Гарчыца палявая
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Капустакветныя Сямейства:  Капуставыя Род:  Гарчыца Від:  Гарчыца палявая
Міжнародная навуковая назва
Mutarda arvensis (L.) D.A.German
Сінонімы
Sinapis arvensi L., 1753 Rhamphospermum arvense (L.) Andrz. ex Besser
Сістэматыка на Віківідах Выявы на Вікісховішчы ITIS   23310 NCBI   29728 EOL   583814 IPNI   288960-1 TPL   kew-2476411

Апісанне

Адналетнік вышынёй 20—100 см. Корань стрыжнёвы. Сцябло прамастойнае, граністае, галінастае, разам з лісцем укрытае цвёрдымі валаскамі. Лісце суцэльнае, ніжняе — чаранковае, падоўжанае, няроўназубчастае, каля асновы з вушкамі, верхняе — сядзячае, падоўжанае, з завостранай верхавінкай. Кветкі жоўтыя, у доўгіх гронках, пялёсткі з кароткім ногцікам, стручкі цыліндрычныя, на кароткіх ножках, насенне чорна-карычневае.

Пашырэнне

Пашырана ў Еўропе (акрамя паўночных абласцей), Паўночнай Афрыцы, Малой Азіі, на Аравійскім паўвостраве, Каўказе, у Цэнтральнай Азіі, Сібіры, на Далёкім Усходзе, у Паўночнай Амерыцы. На Беларусі расце як пустазелле на палях, агародах, каля дарог; цвіце ў маі — жніўні. Размнажаецца толькі насеннем.

Выкарыстанне

Кармавая расліна, аднак робіцца ядавітай у час цвіцення. Добры меданос.