Георгій Васільевіч Сямёнаў

Георгій Васільевіч Сямёнаў (4 красавіка 1902  — 14 мая 1976, Орша) — Герой Сацыялістычнай Працы (1966)

Георгій Васільевіч Сямёнаў
Дата нараджэння	4 красавіка 1902(1902-04-04)
Месца нараджэння	Судагодскі павет[d], Уладзімірская губерня, Расійская імперыя
Дата смерці	14 мая 1976(1976-05-14) (74 гады)
Месца смерці	Орша, Віцебская вобласць, Беларуская ССР, СССР
Грамадзянства	СССР
Месца працы	Аршанскі льнокамбінат
Альма-матар	Усесаюзная прамысловая акадэмія[d]
Партыя	КПСС
Узнагароды і прэміі

У Вікіпедыі ёсць артыкулы пра іншых людзей з прозвішчам Сямёнаў.

Біяграфія

Нарадзіўся ў вёсцы Кочнева, цяпер Вязнікоўскага раёна Уладзімірскай вобласці. Працоўны стаж пачаў з 12 гадоў, калі пайшоў працаваць на фабрыку імя Парыжскай камуны ў горадзе Вязнікі. Прайшоў шлях ад рабочага да дырэктара фабрыкі, затым быў прызначаны намеснікам упраўляючага льнотрэста. Калі трэсты ліквідавалі, Сямёнава накіравалі на вучобу ў Прамысловую акадэмію.

У 1941 годзе пасля заканчэння Акадэміі быў накіраваны на работу дырэктарам Аршанскага льнокамбіната.

У 1955—1956 гадах займаў пасаду першага намесніка міністра тэкстыльнай прамысловасці Беларускай ССР, затым зноў вярнуўся на льнокамбінат.

Узнагароды

У 1966 годзе за выдатныя заслугі ў развіцці льняной галіны лёгкай прамысловасці Георгію Васільевічу было прысвоена званне Героя Сацыялістычнай Працы. Узнагароджаны: два ордэны Леніна, ордэн Кастрычніцкай Рэвалюцыі, медалі. Заслужаны работнік прамысловасці Беларускай ССР, ганаровы грамадзянін Оршы.

Памяць

Іменем Георгія Васільевіча Сямёнава названы Аршанскі прафесійны ліцэй тэкстыльшчыкаў і вуліцы ў Оршы і вёсцы Сцепанцова Вязнікоўскага раёна Уладзімірскай вобласці. У Оршы штогод праводзяцца традыцыйныя адкрытыя рэспубліканскія спаборніцтвы па веласіпеднаму спорту, прысвечаныя памяці Г. В. Сямёнава^[1].

Зноскі

1. Сямёнаў Георгій Васільевіч