Джахор-Бару

Джахор-Бару (малайск.: Johor Bahru) — горад у Малайзіі, сталіца султанату Джахор на поўдні паўвострава Малака. Гэта другі па насельніцтве горад краіны пасля сталіцы Куала-Лумпур. Насельніцтва — 876 033 чалавек (2006). Важны прамысловы, гандлёвы, культурны і турысцкі цэнтр. У Джахор прыязджае 60 % замежных турыстаў Малайзіі, якія праходзяць цераз масты ў суседні Сінгапур. Джахор-Бару — самы паўднёвы горад у кантынентальнай Азіі. Джахор-Бару аддзелены ад Сінгапура Джахорскім пралівам, праз які пракладзены мост і дамба. Горад, асабліва яго паўднёвая частка, часта пакутуе ад паводак.

Населены пункт
Джахор-Бару
малайск.: Johor Bahru
Сцяг Герб
1°27′20″ пн. ш. 103°45′40″ у. д.HGЯO
Краіна	Малайзія[1]
Гісторыя і геаграфія
Заснаваны	1855[2]
Вышыня цэнтра	32 ± 1 м
Водныя аб’екты	Straits of Johor[d]
Часавы пояс	UTC+8 і WPM[d]
Насельніцтва
Насельніцтва	▲797 882 чал. (2017)[3]
Афіцыйная мова	малайская мова
Лічбавыя ідэнтыфікатары
Тэлефонны код	7
Паштовы індэкс	79xxx — 81xxx
Аўтамабільны код	J
mbjb.gov.my
Паказаць/схаваць карты
Джахор-Бару
Медыяфайлы на Вікісховішчы

Гісторыя

Заснаваны ў 1855 годзе Тэменгунгам Даенг Ібрагімам, бацькам султана Абу Бакара, аднаго з самых знакамітых малайскіх султанаў. Горад называўся Танджунг-Путэры, утварыўся на месцы невялікай малайскай рыбацкай вёскі. Султан Абу Бакар змяніў назву горада на Джахор-Бару і абвясціў яго сталіцай свайго султаната ў 1866 годзе, пакінуўшы сваю сталіцу ў Тэлук-Беланга на тэрыторыі Сінгапура.