Закрынічны сельсавет

Закрыні́чны сельсавет — былая адміністрацыйна-тэрытарыяльная адзінка ў складзе Чачэрскага раёна Гомельскай вобласці. Цэнтр — вёска Загор’е.

Закрынічны сельсавет
Краіна	Беларуская ССР
Уваходзіў у	Чачэрскі раён
Адміністрацыйны цэнтр	Загор’е
Дата ўтварэння	30 снежня 1927
Дата скасавання	29 кастрычніка 1959

Утвораны 30 снежня 1927 года ў складзе Чачэрскага раёна Гомельскай акругі БССР шляхам аб’яднання тэрыторыі скасаваных Загорскага і Салтанаўскага сельсаветаў. Цэнтр — вёска Закрынічная. Пасля скасавання акруговай сістэмы 26 ліпеня 1930 года ў Чачэрскім раёне БССР. У 1931 годзе цэнтр сельсавета перанесены ў вёску Салтанаўка. З 20 лютага 1938 года ў складзе Гомельскай вобласці. У 1939 годзе цэнтр сельсавета перанесены перанесены ў вёску Загор’е. 29 кастрычніка 1959 года скасаваны, тэрыторыя далучана да Бяляеўскага сельсавета^[1].

Зноскі

1. Рашэнне выканкома Гомельскага абласнога Савета дэпутатаў працоўных ад 29 кастрычніка 1959 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1959, № 16.