Зміцер Дзядзенка

Зміцер Дзядзенка (нар. 17 кастрычніка 1972, Орша^[1][2]) — беларускі пісьменнік і журналіст, аўтар і выканаўца ўласных песень.

Зміцер Дзядзенка
Асабістыя звесткі
Дата нараджэння	17 кастрычніка 1972(1972-10-17) (53 гады)
Месца нараджэння	Орша, Віцебская вобласць, Беларуская ССР, СССР
Альма-матар	філалагічны факультэт БДУ (1994)
Месца працы	Нацыянальная дзяржаўная тэлерадыёкампанія Рэспублікі Беларусь Наша Ніва
Прафесійная дзейнасць
Род дзейнасці	пісьменнік

Біяграфія

У дзяцінстве некалькі гадоў жыў у Манголіі. Скончыў у 1994 годзе філалагічны факультэт БДУ. Працаваў рэдактарам на БТ і журналістам у «Нашай Ніве»^[3], пазней — на «Еўрарадыё».

Творчасць

Піша вершы і прозу. Друкаваўся ў часопісах «Полымя», «Першацвет», «Паміж», «Спадчына», на сайце belisrael.info^[3] і іншых. Удзельнік бардаўскіх фэстаў «Аршанская бітва» і «Бардаўская восень»^[4].

Аўтар краязнаўча-генеалагічнага даведніка «Аршанская шляхта» (1996), суаўтар праекта «Наша страва» (2008). Кніга «Гісторыі ў прыцемках» (2015) трапіла ў лонг-ліст прэміі Ежы Гедройця (2016). У 2017 годзе пісьменнік апублікаваў кнігу «Вялікая пралетарская сексуальная рэвалюцыя»^[5], у 2020 годзе — гістарычны дэтэктыў «Ордэн Прамяністых»^[6], у 2022 годзе — аповесць-памфлет «Званковы Кароль, Віновая Паня»^[7].

Лаўрэат літаратурнай прэміі «Празрысты ЭОЛ» (2019). У 2024 годзе апублікаваў гістарычны раман-крымінал «Гульні Цырцэі»^[8][9].

У 2025 годзе намінаваны на прэмію Гедройця, атрымаў ІІІ прыз^[10].