Казіміраўская Слабодка

Казімі́раўская Слабо́дка^[1] (трансліт.: Kazimiraŭskaja Slabodka, руск.: Казимировская Слободка) — вёска ў Жлобінскім раёне Гомельскай вобласці. Уваходзіць у склад Краснабярэжскага сельсавета.

Вёска Казіміраўская Слабодка Краіна Беларусь Вобласць Гомельская Раён Жлобінскі Сельсавет Краснабярэжскі Каардынаты 52°55′16″ пн. ш. 29°48′14″ у. д.HGЯO Насельніцтва ▼36 чал. (2019) Часавы пояс UTC+3 Тэлефонны код +375 2334 Аўтамабільны код 3 СААТА 3218824021 Казіміраўская Слабодка Казіміраўская Слабодка

Казіміраўская Слабодка на Вікісховішчы

Да 1966 года вёска ўваходзіла ў склад Малевіцкага сельсавета^[2].

Гісторыя

Па пісьмовых крыніцах вядома з XIX стагоддзя як вёска ў Сцяпоўскай воласці Бабруйскага павета Мінскай губерні. Паводле перапісу 1897 года 34 двары, 243 жыхары, хлебазапасны магазін.

У 1921 годзе адкрыта школа, якая размясцілася ў нацыяналізаваным будынку. У 1925 годзе 65 двароў. У 1930 годзе арганізаваны калгас імя М. Горкага, працавалі конная крупарушка і вятрак. У Вялікую Айчынную вайну 34 вяскоўцы загінулі на фронце. Паводле перапісу 1959 года 227 жыхароў. У 1962 годзе да вёскі далучаны пасёлак Ключ, хутар Цёсы. У складзе саўгаса «Чырвонабярэжскі» (цэнтр — вёска Чырвоны Бераг).

Планіровачна складаецца з прамалінейнай, амаль мерыдыянальнай вуліцы, забудаванай двухбакова, няшчыльна, драўлянымі сялянскімі сядзібамі^[3].