Капліца-пахавальня Талочкаў

Капліца-пахавальня Талочкаў — капліца-пахавальня ў в. Вялікая Ракавіца Брэсцкага раёна. Размешчана на паўночна-заходняй ускраіне вёскі, у былым прысядзібным парку. Пабудавана ў пачатку XX стагоддзя з цэглы як пахавальня ўладальніка маёнтка Талочкі^[1][2].

Капліца-пахавальня ў 1907 годзе

Славутасць
Капліца-пахавальня Талочкаў
52°13′05″ пн. ш. 23°30′36″ у. д.HGЯO
Краіна	Беларусь
Месцазнаходжанне	Вялікая Ракавіца
Архітэктурны стыль	неаготыка
Дата заснавання	XX стагоддзе
Статус	Гісторыка-культурная каштоўнасць Беларусі, шыфр 113Г000753шыфр 113Г000753
Медыяфайлы на Вікісховішчы

Архітэктура

Капліца-пахавальня з боку апсіды

Помнік архітэктуры неаготыкі. Вырашана кампактным прамавугольным у плане аб’ёмам з 3-граннай алтарнай часткай, накрытым стромкім двухсхільным дахам. Да франтальнага фасада далучана двух’ярусная чатырохгранная званіца, спічасты шацёр якой акаймоўвала аркатура з фіяламі (не захаваліся). Уваход вырашаны перспектыўным стральчатым парталам, фланкіраваным гранёнымі пілонамі. Бакавыя фасады рытмічна расчлянёны стральчатымі аконнымі праёмамі ў рэльефных ліштвах. Вуглы аб’ёмаў умацаваны ступеньчатымі контрфорсамі^[2].

Зноскі

1. Ракавіца // Замкі, палацы, паркі Берасцейшчыны Х — XX стагоддзяў (гісторыя, стан, перспектывы) / Л. М. Несцярчук. — Мн.: БЕЛТА, 2002. — 336 с. — ISBN 985-6302-37-4.
2. Капліца // Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — С. 311. — 488 с. — ISBN 978-985-11-0395-5.