Касцёл Маці Божай успамогі вернікаў (Бараўляны)

Касцёл Маці Божай успамогі вернікаў — каталіцкі мураваны храм у аграгарадку Лясны Мінскага раёна Мінскай вобласці. Парафіяй апякуюцца Салезіяне.

Каталіцкі храм
Касцёл Маці Божай успамогі вернікаў
54°00′37″ пн. ш. 27°40′49″ у. д.HGЯO
Краіна	Беларусь
Аграгарадок	Лясны
Канфесія	каталіцтва
Епархія	Мінска-Магілёўская архідыяцэзія
Благачынне	Дэканат Мінск-Усход
Стан	Дзейнічае

Гісторыя

Драўляная капліца

Парафія існуе з 2001 года, дзейнічае драўляная капліца.

У 2006 годзе дзякуючы новаму пробашчу кс. Казіміру Шыдэлко распачалось будаўніцтва цэнтра ў які ўваходзіць дом для салезіянаў, катэхетычныя класы, араторый для моладзі, спартыўная зала. 20 верасня 2018 года адбылося святочнае адкрыццё новага салезіянскага араторыя імя св. Дамініка Савіо^[1].

У кастрычнку 2018 года распачылось будаўніцтва новага касцёла з цэглы ў аднолькавым стылі з ужо ўзведзенымі манаскім домам салезіянаў і араторыем, якія знаходзяцца ў адным будынку.

Архітэктура

Абрысы касцёла нагадваюць неагатычныя кляштар, у алтарнай частцы ўзнясецца высокая вежа са шпілем, увенчаным крыжам, што ў сакральным будаўніцтве з’яўляецца сімвалам збаўлення. Пад вежай знаходзіцца капліца з абразом Маці Божай Бараўлянскай Успамогі Верных^[2].

Зноскі

1. Араторый імя св. Дамініка Савіо (нявызн.)(недаступная спасылка). Архівавана з першакрыніцы 3 студзеня 2022. Праверана 3 студзеня 2022.
2. У Бараўлянах, што пад Мінскам, пачынаецца будаўніцтва новага касцёла