Кваква звычайная

Кваква звычайная^[1], чапля-кваква (Nycticorax nycticorax) — птушка сямейства чаплевых.

Кваква звычайная
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Птушкі Атрад:  Буслападобныя Сямейства:  Чаплевыя Род:  Кваквы Від:  Кваква звычайная
Міжнародная навуковая назва
Nycticorax nycticorax Linnaeus, 1758
Арэал
Гнездавы арэал      Круглы год      Толькі зімой
Ахоўны статус
Выклікаюць найменшыя асцярогі IUCN 3.1 Least Concern : / 22697211
Сістэматыка на Віківідах Выявы на Вікісховішчы ITIS   174832 NCBI   8901 FW   368423

Апісанне

Невялікая чапля. Даўжыня цела да 60 см, маса 500—700 г, размах крылаў 1,05—1,12 м. Адзін з найбольш прыгожых прадстаўнікоў сямейства. Ад іншых чапляў адрозніваецца каржакаватым целаскладам і кароткай шыяй. Спіна і верх галавы чорныя, крылы шэрыя, надбрыўная палоса, лоб і брушка белыя. Дзюба чорная, вочы чырвоныя. Вясной на патыліцы ўтвараецца чубок з доўгіх пёраў.

Пашырэнне

Пашырэнне: Еўразія, Афрыка, Паўночная і Паўднёвая Амерыка. Ва ўсходняй Галарктыцы праз Беларускае Палессе, Ніжняе Паволжа і Казахстан праходзіць паўночная мяжа пашырэння. Месцы пражывання: хмызнякі і зараснікі трыснягу ў поймах рэк. Зрэдку селіцца ў калоніях іншых відаў чапляў.

Кваквы, якія жывуць у Еўропе, — пералётныя. Зімуюць у экватарыяльнай Афрыцы.

Асаблівасці біялогіі

Яйка

Тыпова начная птушка. Корміцца рыбай, жабамі, воднымі і наземнымі насякомымі, мышападобнымі грызунамі.

Гняздуецца пераважна на дрэвах, пры іх адсутнасці — на кустах вярбы або на заломах трыснягу і іншай прыбярэжнай расліннасці. У кладцы 3—5 яек памерамі 49,2 x 35,5 мм.

Зноскі

1. Кваква звычайная ў адпаведнасці з БЭ ў 18 тамах., Т.8. Мн., 1999, С.206