Лілія Уладзіміраўна Уласава

У Вікіпедыі ёсць артыкулы пра іншых людзей з прозвішчам Уласава.

Лілія Уладзіміраўна Уласава (нар. 26 мая 1953) — беларуская правазнаўца, палітычная зняволеная.

Лілія Уладзіміраўна Уласава
руск.: Лилия Власова[1]
Род дзейнасці	адвакат
Дата нараджэння	26 мая 1953(1953-05-26) (72 гады)
Грамадзянства	Беларусь[2]
Альма-матар	БДУ[3] Санкт-Пецярбургскі дзяржаўны ўніверсітэт[3]
Член у	Каардынацыйная Рада па арганізацыі працэсу пераадолення крызісу[1]

Вядомая юрыстка і міжнародная медыятарка, партнёрка і дырэктарка юрыдычнай кампаніі «Уласава, Міхель і партнёры». У 2020 годзе ўвайшла ў Прэзідыум Каардынацыйнай рады, створанай з мэтай прыняцця захадаў па стабілізацыі сітуацыі ў Беларусі, забеспячэння трансферу ўлады і абароны суверэнітэту і незалежнасці. Была затрыманая 31 жніўня 2020 года супрацоўнікамі Дэпартамента фінансавых расследаванняў Камітэта дзяржаўнага кантролю. Супраць яе ўзбуджаная крымінальная справа па ч. 2 арт. 243 КК (ухіленне ад падаткаабкладання). Уласава ўтрымлівалася пад вартай у СІЗА №1 г. Мінска. 7 верасня 2020 года сумеснай заявай адзінаццаці арганізацый, сярод якіх Праваабарончы цэнтр «Вясна», Беларускі Хельсінскі камітэт, Беларускі ПЕН-цэнтр, была прызнана палітычнай зняволенай^[4]. 23 верасня 2020 года шэфства над палітычнай зняволенай узяла Катарына Барлі  (укр.), намесніца старшыні Еўрапейскага парламента^[5][6]. 19 кастрычніка мера стрымання была змененая на хатні арышт. 23 кастрычніка хатні арышт быў скасаваны^[7].

У ліку чатырох беларускіх юрыстаў уганаравана прэміяй «За абарону правоў чалавека-2021» Рады адвакатаў і юрыдычных супольнасцей Еўропы^[8].