Махафалі

Махафалі (малаг.: Mahafaly, літаральна «тыя, хто ствараюць забароны» або «пазбаўленыя забарон») — этнічная група малагасійцаў. Насяляюць паўднёвы захад Мадагаскара. Агульная колькасць — 437 000 чалавек.^[1]

Махафалі (Mahafaly)
Дзеці махафалі
Агульная колькасць	437000 (2024 г.)
Рэгіёны пражывання	Мадагаскар
Мова	малагасійская
Рэлігія	культ продкаў, шаманізм, хрысціянства
Блізкія этнічныя групы	іншыя малагасійцы

Махафалі жывуць у самым засушлівым рэгіёне Мадагаскара, што абумовіла распаўсюджанне самых розных гаспадарчых заняткаў (сельская гаспадарка, паляванне, збіральніцтва, лоў рыбы, рамяство), паколькі ніводны з іх не можа стала забяспечваць патрэбы насельніцтва. У адрозненне ад іншых малагасійцаў, махафалі не прытрымліваюцца шматлікіх забарон фады, таму ахвотна наймаюцца на працу, не папулярную сярод прадстаўнікоў іншых груп. Многія працуюць на шахтах за межамі свайго рэгіёна.

Размаўляюць на дыялекце малагасійскай мовы.

Большасць махафалі прытрымліваецца традыцыйных рэлігійных вераванняў. Асаблівую ролю маюць пахавальныя культы і культ продкаў. Шануюцца святыя лясы і гаі. Махафалі вядомыя будаўніцтвам выдатна аздобленых магільняў і разьбой драўляных ідалаў алуалу.

Таксама распаўсюджана хрысціянства (25 % вернікаў).

• 
  Вёска махафалі
• 
  Магільня, упрыгожаная алуалу
• 
  Могілкі махафалі
• 
  Алуалу

Зноскі

1. Mahafaly of Madagascar