Мішэль Сімон

Франсуа Мішэль Сімон (фр.: François Michel Simon; 9 красавіка 1895(1895-04-09)^[1][2][…], Жэнева^[3] — 30 мая 1975(1975-05-30)^[1][4][…], Бры-сюр-Марн^[d][3]) — швейцарскі і французскі акцёр тэатра і кіно, які працаваў і жыў пераважна ў Францыі. Майстар гратэску. Здымаўся ў найбольш значных фільмах французскага кінематографа 1930-х — 1940-х гадоў, працуючы з такімі рэжысёрамі, як Жан Рэнуар, Марсель Карнэ, Жан Віго, Рэнэ Клер.

Мішэль Сімон
фр.: Michel Simon
Дата нараджэння	9 красавіка 1895(1895-04-09)[1][2][…]
Месца нараджэння	Жэнева, Жэнева, Швейцарыя[3]
Дата смерці	30 мая 1975(1975-05-30)[1][4][…] (80 гадоў)
Месца смерці	Бры-сюр-Марн[d], Валь-дэ-Марн, рэгіён Іль-дэ-Франс, Метраполія Францыі, Францыя[3]
Месца пахавання	Cemetery of Lancy (Switzerland)[d][5]
Грамадзянства	Швейцарыя
Дзеці	François Simon[d]
Прафесія	акцёр, тэатральны акцёр, кінаакцёр, фатограф, прадзюсар
Узнагароды	Сярэбраны мядзведзь[d] Swiss Grand Prix for performing arts / Hans Reinhart Ring[d] (1964)
IMDb	ID 0800302
Медыяфайлы на Вікісховішчы

Змяніў мноства прафесій, служыў у войску, быў рознарабочым, баксёрам. З 1912 года — у тэатры. Упершыню з’явіўся на экране ў 1924 годзе. У 1929 пераехаў у Парыж, дзе выступаў на сцэне ў камедыі Марселя Ашара «Жан з Месяца». У пачатку 1930-х гадоў пазнаёміўся з Жанам Рэнуарам, які запрасіў яго зняцца ў двух сваіх фільмах «Сука» (1931) і «Будзю, выратаваны з вод» (1932). Агулам Мішэль Сімон зняўся больш чым у ста фільмах.

Сімон памёр ва ўзросце 80 гадоў ад лёгачнай эмбаліі і, паводле яго завяшчання, пахаваны на могілках камуны Гран-Лансі каля Жэневы, побач з яго бацькамі.

Сын — Франсуа Сімон, акцёр. Унучка — Мая Сімон, рэжысёр.

Узнагароды і прэміі

• 1967 — Прыз Берлінскага кінафестывалю Сярэбраны мядзведзь за налепшую мужчынскую ролю ў фільме «Стары і дзіця»