Навасёлкаўскі 2-гі сельсавет

У паняцця ёсць і іншыя значэнні, гл. Навасёлкаўскі сельсавет.

Навасё́лкаўскі 2-гі сельсавет — былая адміністрацыйна-тэрытарыяльная адзінка ў складзе Пастаўскага раёна Маладзечанскай вобласці. Цэнтр — вёска Навасёлкі 2.

Навасёлкаўскі 2-гі сельсавет
Краіна	Беларуская ССР
Уваходзіў у	Пастаўскі раён
Адміністрацыйны цэнтр	Навасёлкі 2
Дата ўтварэння	12 кастрычніка 1940
Дата скасавання	2 снежня 1959

Утвораны 12 кастрычніка 1940 года як Навасёлкаўскі сельсавет у складзе Гадуцішскага раёна Вілейскай вобласці БССР. Цэнтр — вёска Навасёлкі. Пасля скасавання Гадуцішскага раёна 25 лістапада 1940 года і далучэння да Пастаўскага раёна, у сувязі з існаваннем у Пастаўскім раёне іншага Навасёлкаўскага сельсавета, атрымаў назву Навасёлкаўскі 2-гі сельсавет, а цэнтр — назву Навасёлкі 2. З 20 верасня 1944 года ў складзе Маладзечанскай вобласці. 2 снежня 1959 года скасаваны, тэрыторыя далучана да Камайскага сельсавета^[1].