Надзея Ясмінска

Надзея Ясмінска (нар. 4 чэрвеня 1985, Мінск) — беларуская пісьменніца, драматург. Піша на рускай і беларускай мовах для дзяцей^[1].

Надзея Ясмінска
Надзея Карэліна[1]
Асабістыя звесткі
Псеўданімы	Ясмінска
Дата нараджэння	4 чэрвеня 1985(1985-06-04) (40 гадоў)
Месца нараджэння	Мінск, Беларуская ССР, СССР
Грамадзянства	Беларусь
Альма-матар	Беларускі дзяржаўны эканамічны ўніверсітэт
Месца працы	Беларускі дзяржаўны эканамічны ўніверсітэт
Прафесійная дзейнасць
Род дзейнасці	празаік
Гады творчасці	з 2006
Жанр	фэнтэзі, казкі
Дэбют	п’еса «В одну новогоднюю ночь» (руск.)
Прэміі	прэмія Цёткі (2016)
yasminska.com

Біяграфія

Закончыла Беларускі дзяржаўны эканамічны ўніверсітэт па спецыяльнасці «Маркетынг». Пасля магістратуры выкладала розныя аспекты рэкламы ў БДЭУ^[2].

Творчасць

У 2006 годзе напісала першую п’есу-казку «У адну навагоднюю ноч». П’еса стала лаўрэатам адкрытага рэспубліканскага конкурсу драматургічных твораў для дзяцей і падлеткаў «Дзіцячы свет такі багаты» (2006) і была апублікавана ў зборніку «Малеча гном» (2007). Першай асобнай кніжкай пісьменніцы стаў зборнік фэнтэзі-вершаў «Зялёныя песні Эрмінтыі», выпушчаны беларускім выдавецтвам «Галіяфы» ў 2012 годзе.

У 2015 годзе ў выдавецтве «Галіяфы» выйшаў зборнік казак для дзяцей «Сем ружаў» — другая кніга з цыклу «Хронікі густога лесу». Кніга стала ўладальніцай прэстыжнай літаратурнай «Прэміі Цёткі» ў 2016 годзе — за лепшы тэкст для дзяцей і падлеткаў і за лепшае мастацкае афармленне (мастак — Кацярына Дубовік)^[2].

Апавяданні і казкі пісьменніцы публікаваліся ў часопісах «Цветные строчки», «Вокзал», «Микролит», «Дошкольное образование».

Бібліяграфія

• «Зелёные песни Эрминтии» (выд. «Галіяфы», Мінск, 2012) — фэнтэзі-вершы
• «Рыцарь с чистым именем» (выд. «Галіяфы», Мінск, 2013)
• «Книгармония» (выд. «Более другое», Санкт-Пецярбург, 2013)
• «Ежедневник лёгкой жизни» (выд. «Питер», Санкт-Пецярбург, 2016)
• «Сем ружаў» (выд. «Галіяфы», Мінск, 2015). У 2016 годзе кніга была ўзнагароджаная прэміяй Цёткі адразу ў дзвюх намінацыях^[3].
• «Бусинки и капли» (выд. «Более другое», Санкт-Пецярбург, 2016)
• «Восковой волшебник» (выд. «Чатыры чвэрці», Мінск, 2017)
• «Заклинатель единорогов» (выд. «Аквилегия-М», Масква, 2018). У міжнародным конкурсе «Новая дзіцячая кніга» ўсерасійскага выдавецтва «РОСМЭН» рукапіс «Заклінальнік адзінарогаў» атрымаў узнагароду чытацкага галасавання^[1][4].
• «Чаму Меша не мае хаты» (выд. «Кнігазбор», Мінск, 2018)
• «Хранитель чародеев» (выд. «Аквилегия-М», Масква, 2018)
• «Косматое сердце» (выд. «Аквилегия-М», Масква, 2018)
• «Дом цікаўных казак» (выд. «Галіяфы», Мінск, 2018)
• «Пацеркі і кроплі» (выд. «Янушкевіч», Мінск, 2018)
• «Море в чемодане» (выд. «Чатыры чвэрці», Мінск, 2019)
• «Восковой волшебник» (выд. «Аквилегия-М», Масква, 2019 — перавыданне)
• «Чароўныя ніткі пані Яніны» (выд. «Чатыры чвэрці», Мінск, 2020)
• «Сподачак для цмока» (выд. «Кнігазбор», Мінск, 2020)
• «Почему у Меши нет дома?» (выдавецкі дом «Городец», Масква, 2020)
• «Мурмузік. Казка пра незвычайнага коціка» (выд. «Чатыры чвэрці», Мінск, 2021)
• «Круглыя казкі» (зборнік казак). Маст. М. Вярцейка. Мінск : Тэхналогія, 2022. — 30 с.
• «Снегурумі» (выд. «Попурри», Мінск, 2023)

У зборніках

• «Вітражнае акенца» (апавяданне) // «Мінск назаўжды. Зборнік» (выд. «Янушкевіч», Мінск, 2018)

П’есы

• «В одну новогоднюю ночь» — п’еса ў трох дзеях. Лаўрэат адкрытага рэспубліканскага конкурсу драматургічных твораў для дзяцей і падлеткаў «Дзіцячы свет такі багаты» (2006). Апублікаваная ў зборніку п’ес «Малеча гном» і пастаўленая Камерным драматычным тэатрам Мінска ў 2015 пад назвай «Тайна новогодней ночи, или Похититель снов».