Наталля Аляксандраўна Поляк

Наталля Аляксандраўна Поляк (нар. 1979, г. Слуцк) — беларускі гісторык. Спецыяліст па гісторыі дысідэнцкага пытання ў Беларусі ў XVII—XVIII ст. Кандыдат гістарычных навук (2007), дацэнт (2013)^[1].

Наталля Аляксандраўна Поляк
Дата нараджэння	1979
Месца нараджэння	Слуцк, Слуцкі раён, Мінская вобласць, Беларуская ССР, СССР
Грамадзянства	Беларусь
Род дзейнасці	гісторык
Месца працы	БДМУ
Навуковая ступень	кандыдат гістарычных навук
Навуковае званне	дацэнт
Альма-матар	гістарычны факультэт БДУ (2001)

У Вікіпедыі ёсць артыкулы пра іншых людзей з прозвішчам Поляк.

Біяграфія

Нарадзілася ў 1979 годзе ў Слуцку^[1].

У 2001 годзе скончыла гістарычны факультэт БДУ, пасля магістратуру БДУ, у 2006 годзе — аспірантуру Рэспубліканскага інстытута вышэйшай школы БДУ. У 2007 годзе абараніла кандыдацкую дысертацыю па тэме «Дысідэнцкае пытанне на Беларусі ў кантэксце міжнародных адносін (1660—1768 гг.)»^[1].

З 2009 года дацэнт кафедры філасофіі і паліталогіі Беларускага дзяржаўнага медыцынскага ўніверсітэта^[1].

Навуковая дзейнасць

Напрамкі даследаванняў: канфесійная гісторыя ВКЛ і Рэчы Паспалітай, узаемаадносіны хрысціянскіх канфесій і еўрапейскі кантэкст беларускага рэлігійнага фактару ў XVII—XVIII стагоддзях^[1].

Бібліяграфія

• Рэлігія на землях Беларусі ад старажытнасці да нашых дзён: дапаможнік. Мінск, 2017.
• История белорусской культуры: своеобразие культурного типа: пособие. Минск, 2013.