Наталля Рыгораўна Абрашына-Жадаева

Наталля Рыгораўна Абрашына-Жадаева (нар. 28 лютага 1951, Мінск) — беларускі матэматык, спецыяліст у галіне вылічальнай матэматыкі. Доктар фізіка-матэматычных навук (2008), прафесар^[2].

Наталля Рыгораўна Абрашына-Жадаева
Дата нараджэння	28 лютага 1951(1951-02-28) (74 гады)
Месца нараджэння	Мінск, Беларуская ССР, СССР
Грамадзянства	Беларусь
Род дзейнасці	выкладчыца ўніверсітэта, матэматык
Месца працы	БДУФК Інстытут матэматыкі НАН Беларусі фізічны факультэт БДУ
Навуковая ступень	доктар фізіка-матэматычных навук (2008)
Навуковае званне	прафесар
Альма-матар	БДУ[1] Інстытут матэматыкі НАН Беларусі
Навуковы кіраўнік	Вячаслаў Мікалаевіч Абрашын[1] і Аляксандр Андрэевіч Самарскі[1]
Член у	Каардынацыйная Рада па арганізацыі працэсу пераадолення крызісу

Біяграфія

Скончыла Беларускі дзяржаўны ўніверсітэт (спецыяльнасць «Матэматыка», 1973), Інстытут матэматыкі АН БССР (аспірантура, 1976).

Працавала ў Інстытуце матэматыкі АН БССР (1972—1982), Беларускім дзяржаўным універсітэце (з 1977, на пастаяннай аснове — з 1982, фізічны факультэт, кафедра вышэйшай матэматыкі і матэматычнай фізікі, з 2002 — загадчык кафедры).

Навуковыя інтарэсы: матэматычнае мадэляванне на аснове дыскрэтных мадэлей цеплавых працэсаў, гідрадынамікі, нелакальных працэсаў і інш.

У студзені 2022 года, у час палітычных чыстак, запісала відэазварот у абарону свайго звольненага калегі Максіма Шундалава^[3]:

Мы жылі тут і будзем жыць. І хочам, каб была змяняльнасць улады, а не перапісванне Канстытуцыі па жаданні «аднаго». Колькі нашых грамадзян уцякло з краіны, колькі сягоння звальняюць, каб дагадзіць «аднаму». Сёння вы прамаўчалі, а заўтра з вамі гэтак жа разлічацца. Так ужо было ў гісторыі. Кожны сам выбірае: служыць ці прыслугоўваць. Як кажуць: служыць Богу ці прыслугоўваць Юду!

Яна таксама заклікала ўсіх падтрымліваць звольненых і адмаўляцца займаць іх працоўныя месцы^[3].

Зноскі

1. Матэматычная генеалогія — 1997.

   <a href='https://wikidata.org/wiki/Track:Q829984'></a>
2. Наталья Григорьевна Абрашина-Жадаева Архівавана 7 сакавіка 2021.
3. Прафесар БДУ запісала зварот у абарону звольненага калегі, заклікае адмаўляцца ад працы на месцы звольненых  (бел.). Наша Ніва (22 студзеня 2022). Праверана 22 студзеня 2022.