Нефермаат

Нефермаат I (пахаваны ў мастабе № 6 у Медуме) — егіпецкі прынц, сын фараона Снофру. Ён быў візірам і насіў тытулы старэйшага сына валадара^[2], захавальніка пячаткі ўладара і жраца Баст. Яго імя азначае «Маат прыгожая» ці «З дасканалай справядлівасцю».

Нефермаат I
Nfr-m3ˁt З дасканалай справядлівасцю[1]
Выява на сцяне грабніцы Нефермаата ў Медуме
Імя пры нараджэнні	Нефермаат
Род дзейнасці	чаці (візір), захавальнік царскай пячаці, жрэц Баст
Дата нараджэння	3 тысячагоддзе да н.э.
Месца нараджэння	Старажытны Егіпет, Егіпет
Дата смерці	невядома
Месца пахавання	Període històri[d]
Грамадзянства	Старажытны Егіпет
Падданства	Старажытны Егіпет
Бацька	Снофру
Жонка	Ітэт
Дзеці	візір Хеміун, некалькі іншых
Медыяфайлы на Вікісховішчы

Біяграфія

Нефермаат быў старэйшым сынам Снофру, фараона і заснавальніка IV дынастыі  (руск.) Егіпта, і яго першай жонкі. Ён быў зводным братам Хуфу.

Жонкай Нефермаата была Ітэт  (англ.), таксама вядомая як Атэт. Пятнаццаць дзяцей Нефермаата названы ў яго грабніцы, гэта сыны Хеміуну, Ісу, Тэта, Хентымерэш і дачкі Джэфатсэн і Ісэсу, якія намаляваны дарослымі, у той час, як сыны Ітысэн, Інкаэф, Серфка, Вехемка, Шэпсеска, Кахент, Анхершэрэтэф, Анхерфенеджэф, Бунеб, Шэпсеснеб і Небхенет і дачка Пагеці намаляваны дзяцьмі. Яго сын Хеміуну, магчыма, тоесны з чаці Хеміунам  (руск.), які з'яўляецца меркаваным дойлідам Вялікай піраміды фараона Хуфу (Хеопса) у Гізе^[3]. Адна з сясцёр Нефермаата, Неферткау  (англ.) мела сына, якога таксама звалі Нефермаат  (англ.)^[4].

Грабніца

Грабніца Нефермаата ў Медуме

Нефермаат быў пахаваны ў мастабе 16 у Медуме. Ён быў адным з некалькіх сваякоў фараона Снофру, пахаваных разам з ім у Медуме. Грабніца вядомая спецыяльнай тэхнікай, якая выкарыстоўвалася для малявання сцэны. Скульптары-разьбяры выразалі рэльеф малюнкаў, які потым запаўняўся каляровай пастай. Гэты метад быў працаёмкім і паста, як правіла, пасля высыхання ішла расколінамі і потым выпадала^[5]. Дзякуючы гэтаму метаду, сцены атрымліваліся ярка афарбаванымі. Гэтая грабніца з'яўляецца адзіным вядомым на сённяшні дзень прыкладам, паказваючым гэтую тэхніку. Той факт, што тынкоўка трэснула ў выніку страты пасты, верагодна, прывяло к таму, што майстры адмовіліся ад выкарыстання такога тыпу ўпрыгожвання^[6].

Медумскія гусі

Асноўны артыкул: Медумскія гусі

Грабніца Нефермаата таксама вядома сцэнай, якую называюць «Медумскія гусі» ці «Гусі з Медума» (у цяперашні час яна знаходзіцца ў Каірскім музеі). Сцэна выкананая з афарбаванай тынкоўкі, была знойдзена ў 1871 годзе Агюстам Марыетам  (руск.) і Луіджы Васалі  (англ.) і снята імі са сцяны, каб быць перанесенай у музей.

Медумскія гусі

Зноскі

1. Hermann Ranke: Die ägyptische Persönennamen. Verlag von J. J. Augustin in Glückstadt, 1935., p. 196
2. Старонка Нефермаата на сайце digitalegypt (University College London)
3. Египет (Древний) (руск.) — артыкул з Вялікай савецкай энцыклапедыі
4. Dodson, Aidan and Hilton, Dyan. The Complete Royal Families of Ancient Egypt. Thames & Hudson. 2004. ISBN 0-500-05128-3, pp.52-53, 56-61
5. The Egyptian Museum in Cairo: a walk through the alleys of ancient Egypt, by Farid Atiya, Abeer El-Shahawy, Farid S. Atiya, page 71
6. Tiradritti,F. (editor), Egyptian Treasures from the Egyptian Museum in Cairo. Harry N. Abrams Inc. 1999, pp. 60-61, ISBN 0-8109-3276-8