Новае Забалоцце

Но́вае Забало́цце — былы пасёлак у Забалоцкім сельсавеце Буда-Кашалёўскага раёна Гомельскай вобласці Беларусі.

Пасёлак Новае Забалоцце Краіна Беларусь Вобласць Гомельская Раён Буда-Кашалёўскі Сельсавет Забалоцкі Каардынаты 52°49′07″ пн. ш. 30°43′00″ у. д.HGЯO Першая згадка 1920-я Новае Забалоцце на карце Беларусі ±

У сувязі з радыяцыйным забруджваннем пасля Чарнобыльскай катастрофы жыхары (5 сем’яў) пераселены ў чыстыя месцы.

Размяшчэнне

За 24 км на паўночны ўсход ад раённага цэнтра і чыгуначнай станцыі Буда-Кашалёўская (на лініі Жлобін — Гомель), за 50 км ад Гомеля.

Транспартная сетка

Побач аўтамабільная дарога Чачэрск — Буда-Кашалёва і шаша Доўск — Гомель. Уздоўж кароткай шыротнай вуліцы драўляныя хаты сядзібнага тыпу.

Гісторыя

Заснаваны ў 1920-х гадах на былых памешчыцкіх землях перасяленцамі пераважна з вёскі Забалоцце, уваходзіў у склад Забалоцкага сельсавета. У 1929 годзе жыхары вёскі ўступілі ў калгас. З 16 ліпеня 1954 года пасёлак у складзе Рагінскага сельсавета^[1]. У 1959 годзе ўваходзіў у склад калгаса «Іскра» (цэнтр — вёска Забалоцце). З 1964 года пасёлак у складзе Халоцкага сельсавета^[2], з 18 студзеня 1965 года — у складзе Забалоцкага сельсавета^[3].

Скасаваны ў 1996 годзе.

Насельніцтва

Колькасць

• 2010 год — жыхароў няма.

Дынаміка

• 1959 год — 68 жыхароў (паводле перапісу).
• 1990-я — жыхары (5 сем’яў) пераселены.