Новы Болецк

Но́вы Бо́лецк^[1] (трансліт.: Novy Bolieck, руск.: Новый Болецк) — вёска ў Гарадоцкім раёне Віцебскай вобласці. Уваходзіць у склад Стадолішчанскага сельсавета.

Вёска Новы Болецк Краіна Беларусь Вобласць Віцебская Раён Гарадоцкі Сельсавет Стадолішчанскі Каардынаты 55°31′10″ пн. ш. 30°02′13″ у. д.HGЯO Насельніцтва ▼130 чал. (2009) Часавы пояс UTC+3 Тэлефонны код +375 2139 Паштовыя індэксы 211574 Аўтамабільны код 2 СААТА 2218804131 Новы Болецк Новы Болецк

Знаходзіцца за 7 км у напрамку на паўночны ўсход ад горада Гарадок, за 44 км ад Віцебска^[2], каля возера Болецкае.

Гістарычныя звесткі

Згадваецца ў пісьмовых крыніцах у другой палове XVI стагоддзя, дзяржаўная ўласнасць у складзе Віцебскага павета і Віцебскага ваяводства ВКЛ. У 1785 годзе сяльцо Болецк у складзе Гарадоцкага павета Полацкай губерні. У канцы XIX — пачатку XX стагоддзя пагост Болецк у складзе Болецкай воласці Гарадоцкага павета Віцебскай губерні. У 1863 годзе ў Болецку працавала сельская школа, у 1880 годзе — народнае вучылішча. У 1923 годзе ў вёсцы дзейнічала сельскагаспадарчае таварыства. З 20 жніўня 1924 г. вёска стала цэнтрам Болецкага сельсавета Гарадоцкага раёна Віцебскай акругі. З 4.3.1960 г. вёска ў складзе Бяскатаўскага^[3], з 23.3.1970 г. Стадолішчанскага сельсавета Гарадоцкага раёна Віцебскай вобласці. Вёска з'яўлялася цэнтрам саўгаса «Заазерскі».

Насельніцтва

• Пачатак XX стагоддзя — 13 жыхароў у 8 дварах^[4].
• 1920 год — 25 жыхароў^[4].
• 1926 год — 42 жыхары ў 12 дварах^[4].
• 1959 год — 128 жыхароў^[4].
• 1970 год — 207 жыхароў^[4].
• 2000 год — 215 жыхароў у 90 дварах^[2].
• На 1.1.2002 г. — 202 жыхары, 88 двароў^[4].

Памятныя і гістарычныя мясціны

• Брацкія могілкі савецкіх воінаў, на якіх пахаваны 509 воінаў. Прозвішчы 482 з іх вядомыя^[4].
• Помнік землякам, загінуўшым у Вялікую Айчынную вайну
• Каля вёскі археалагічны помнік — гарадзішча жалезнага веку і ранняга сярэдневякоўя^[2].