Оклендскі ўніверсітэт (Мічыган)

Не блытаць з Оклендскім ўніверсітэтам у Новай Зеландыі.

Оклендскі ўніверсітэт (англ.: Oakland University) — амерыканская дзяржаўная вышэйшая навучальная ўстанова са статусам даследчага ўніверсітэта, якая месціцца ў гарадах Оберн-Хілз і Рочэстэр у штаце Мічыган, ЗША.

Оклендскі ўніверсітэт
англ.: Oakland University
Арыгінальная назва	англ.: Oakland University
Заснаваны	1957
Тып	дзяржаўны даследчы ўніверсітэт
Студэнты	18 169 і 14 255[1]
Краіна	ЗША[2]
Размяшчэнне	Оберн-Хілз, Мічыган, ЗША Рочэстэр, Мічыган, ЗША
Сайт	oakland.edu
Медыяфайлы на Вікісховішчы

Агульная характарыстыка

Заснаваны ў 1957 годзе на ахвяраванні Мацільды Додж Уілсан, першапачаткова ён быў вядомы як Мічыганскі дзяржаўны ўніверсітэт у Оклендзе. Оклендскі ўніверсітэт з'яўляецца адным з васьмі даследчых універсітэтаў штата Мічыган.

Універсітэцкая тэрыторыя ўключае галоўны кампус, маёнтак Медоў-Брук і два палі для гольфа з нацыянальным рэйтынгам, размешчаныя на 5,84 км². Медоў-Брук — гэта нацыянальны гістарычны помнік ЗША, чацвёрты па велічыні гістарычны дом-музей у Злучаных Штатах.

Структура

• Каледж мастацтваў і навук
• Школа бізнесу
• Школа адукацыі і сацыяльных паслуг
• Школа інжынерыі і камп'ютарных навук
• Школа навук пра здароўе
• Школа медыцыны
• Школа медсястрынства

Гл. таксама

• Спіс універсітэтаў штата Мічыган