Партыя зялёных (ЗША)

Партыя зялёных Злучаных Штатаў (англ.: Green Party of the United States) — палітычная партыя ЗША. Афіцыйным часам заснавання прынята лічыць 2001 год пасля аб’яднання добраахвотніцкіх зялёных партый і арганізацый ЗША. Але так як кандыдаты ад гэтых партый раней прымалі ўдзел у прэзідэнцкіх выбарах 1996 і 2000 гадоў, неафіцыйная дата заснавання партыі прымаецца 1984 або 1991 год.

Партыя зялёных
англ.: Green Party of the United States
Заснавальнік	Howie Hawkins[d]
Дата заснавання	красавік 2001
Штаб-кватэра	Вашынгтон
Краіна	ЗША
Ідэалогія	зялёная палітыка[d], экасацыялізм[d], антыкапіталізм, сацыял-дэмакратыя і progressivism in the United States[d]
Інтэрнацыянал	Global Greens[d] Coalition for Free and Open Elections[d]
Колькасць членаў	248 189[1]
Сайт	gp.org (англ.)
Медыяфайлы на Вікісховішчы

Гісторыя

Першая ў ЗША Партыя зялёных была створана ў 1980 годзе. Найбольшага поспеху «зялёныя» дамагліся на прэзідэнцкіх выбарах 2000 года, калі вылучаны партыямі «зялёных» асобных штатаў папулярны ў краіне адвакат і актывіст Ральф Нейдэр набраў 2 883 105 галасоў (каля 2,7 %). У 2001 годзе прыхільнікі Нейдэра з ліку членаў розных «зялёных» партый і арганізацый ЗША аб’ядналіся, утварыўшы Партыю «зялёных» Злучаных Штатаў (англ.: Green Party of the United States), якая ў цяперашні час з’яўляецца асноўнай нацыянальнай партыяй «зялёных» у краіне.

Па дадзеных бюлетэня Ballot Access News «зялёныя» з’яўляюцца другой сярод трэціх партый ЗША. На Кастрычнік 2012 года іх прыхільнікамі зарэгістраваліся 250 682 выбаршчыкаў (0,24 % з ліку зарэгістраваных выбаршчыкаў). Да лютага 2016 года колькасць зарэгістраваных прыхільнікаў крыху знізілася, да 242 023 чалавек (0,24 %). На 2016 год больш за 130 «зялёных» займаюць выбарныя пасады па ўсёй тэрыторыі ЗША, але ў асноўным на мясцовым узроўні, пры гэтым большасць з іх выйгравалі галасавання як беспартыйныя. Усяго з моманту заснавання больш за 1000 яе членаў дамагаліся поспеху на выбарах.

Палітычная праграма

Прытрымліваюцца левацэнтрысцкіх поглядаў, заснаваных на «зялёнай палітыцы», сацыял-дэмакратыі, папулізме і прагрэсівізме. Нягледзячы на ўсе міжфракцыйныя супярэчнасці, партыя выступае^[2]:

• За абарону навакольнага асяроддзя;
• За сацыяльную справядлівасць;
• За пацыфісцкую знешнюю палітыку;
• За неіерархічную партысіпатыўную дэмакратыю;
• За легалізацыю абортаў у поўнай меры;
• За аднаполыя шлюбы;
• за дзяржаўны кантроль над асабістай агнястрэльнай зброяй грамадзян;
• Супраць гвалту;
• За дэцэнтралізацыю органаў улады;
• За грамадскую эканоміку;
• За правы жанчын.

Удзел у прэзідэнцкіх выбарах

Год	Кандыдат у прэзідэнты	Кандыдат у віцэ-прэзідэнты	Атрымана галасоў	павелічэнне/ памяншэнне %
1996	Ральф Нейдэр	Вайнона ЛаДак	685 297	▬
2000	Ральф Нейдэр	Вайнона ЛаДак	2 882 955	▲ 320,6
2004	Дэвід Коб	Пот ЛаМарт	119 859	▼ 95,8
2008	Сінція Макіні	Роза Клементэ	161 797	▲ 34,5
2012	Джыл Стайн	Шэры Хонкала	469 627	▲ 190,9
2016	Джыл Стайн	Аджаму Барака	1 457 216	▲ 210,3
2020	Хауі Хокінс	Анжэла Уокер	405 034	▼ 72,2