Поль Бебей

Поль Ралан Бебей Кінге (фр.: Paul Rolland Bebey Kingué, нар. 9 лістапада 1986, Дуала, Камерун) — камерунскі футбаліст, абаронца.

Поль Бебей
Поўнае імя	Поль Ралан Бебей Кінге
Нарадзіўся	9 лістапада 1986(1986-11-09)[1] (38 гадоў) Дуала, дэпартамент Вуры[d], Прыбярэжны рэгіён, Камерун
Грамадзянства	Камерун
Рост	166 см
Вага	71 кг
Пазіцыя	абаронца, паўабаронца
Клубная кар’ера[* 1]
2006—2008 Дуала Атлетык 2008—2009 Лез Астр (Дуала) 2009 Газіянтэп ББ 3 (0) 2010—2011 Нью Старз дэ Дуала 2011—2012 Лез Астр (Дуала) 2012—2013 Блейд-Гом 2013—2015 Хайр (Вахдат) 15 (0) 2015 →  Нёман (Гродна) 19 (1) 2016—2019 Нёман (Гродна) 100 (1)
Нацыянальная зборная[* 2]
2008 Камерун (алімпійская) 3 (0) 2012 Камерун 1 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. Колькасць гульняў і галоў за нацыянальную зборную ў афіцыйных матчах

Клубная кар’ера

Прафесійную кар’еру пачаў у клубах роднага горада Дуала. Улетку 2009 года адправіўся ў турэцкі клуб «Газіянтэп Бююкшэхір Беледыеспор», але ўжо праз два месяцы вярнуўся ў Камерун. У 2012 годзе гуляў за бельгійскі клуб «Блейд-Гом», пасля на працягу двух гадоў выступаў у Таджыкістане за «Хайр», з якім станавіўся бронзавым і срэбраным прызёрам мясцовага чэмпіянату.

Са студзеня 2015 года знаходзіўся на праглядзе ў гродзенскім «Нёмане», з якім у сакавіку 2015 года падпісаў кантракт^[2]. Здолеў замацавацца ў аснове гродзенцаў. У ліпені-жніўні 2015 года не гуляў з-за траўмы, пазней вярнуўся ў асноўны склад.

Па заканчэнні сезона 2015 мусіў вярнуцца з арэнды ў «Хайр», але «Нёман» меў намер пакінуць іграка ў сябе. У сакавіку 2016 года клубы здолелі дамовіцца, але Поль не меў магчымасці прыляцець з Камеруна ў Гродна з-за адсутнасці сродкаў^[3]. 29 сакавіка, усё ж такі прыбыўшы ў Гродна, падпісаў новы кантракт з «Нёманам»^[4]. У сезоне 2016 заставаўся іграком асновы, часам выкарыстоўваўся на пазіцыі правага абаронцы.

У лютым 2017 года зноў прыбыў у Гродна пасля зімняга перапынку і падпісаў новы двухгадовы кантракт^[5]. У сезоне 2017 замацаваўся на пазіцыі правага абаронцы гродзенцаў, заставаўся ім і ў сезоне 2018. У лістападзе 2018 года падоўжыў кантракт з гродзенцамі^[6].

У пачатку 2020 года апынуўся па-за складам «Нёмана», праходзіў прагляд у бабруйскай «Белшыне», а ў лютым 2020 года абвясціў аб завяршэнні кар’еры^[7].

Міжнародная кар’ера

У складзе алімпійскай зборнай Камеруна выступаў у 2008 годзе на Алімпійскіх гульнях у Пекіне, правёў 3 матчы.

16 кастрычніка 2012 года згуляў за нацыянальную зборную Камеруна ў таварыскім матчы супраць Калумбіі.

Дасягненні

• 02 Срэбраны прызёр чэмпіянату Таджыкістана: 2014
• 03 Бронзавы прызёр чэмпіянату Таджыкістана: 2013