Салонскі сельсавет

Сало́нскі сельсавет — адміністрацыйна-тэрытарыяльная адзінка ў складзе Жлобінскага раёна Гомельскай вобласці Беларусі. Адміністрацыйны цэнтр — вёска Саланое.

Салонскі сельсавет
Краіна	Беларусь
Уваходзіць у	Жлобінскі раён
Уключае	8 населеных пунктаў
Адміністрацыйны цэнтр	Саланое
Дата ўтварэння	20 жніўня 1924, 8 снежня 1966
Дата скасавання	16 ліпеня 1954
Насельніцтва (2019)	2 622
Часавы пояс	UTC+03:00
Код аўтам. нумароў	3
Афіцыйны сайт

Утвораны 20 жніўня 1924 года як Салонскі (Саланоўскі) сельсавет у складзе Жлобінскага раёна Бабруйскай акругі БССР. Пасля скасавання акруговай сістэмы 26 ліпеня 1930 года ў Жлобінскім раёне БССР. З 20 лютага 1938 года ў складзе Гомельскай вобласці. 16 ліпеня 1954 года скасаваны, тэрыторыя далучана да Акцябрскага сельсавета^[1].

8 снежня 1966 года Салонскі сельсавет утвораны зноў з часткі Акцябрскага сельсавета ў складзе 9 населеных пунктаў (вёскі Александроў, Вялікія Рагі, Істобкі, Казёл, Лясань, Малыя Рагі, Нівы, Саланое і Салонская Карма)^[2]. На 1 студзеня 1974 года ў складзе Салонскага сельсавета 9 населеных пунктаў^[3]. 1 жніўня 2008 года скасавана вёска Казёл^[4].

У склад Салонскага сельсавета ўваходзілі да 1954 года вёскі Гнілая Лужына, Залужжа, Зямлянкі, да 1962 года пасёлак птушкаадзялення саўгаса «Жлобін» (зараз не існуюць).

Насельніцтва сельсавета паводле перапісу 2009 года — 2738 чалавек^[5], з іх 93,2 % — беларусы, 3,9 % — рускія, 1,5 % — украінцы^[6]; паводле перапісу 2019 года — 2622 чалавекі^[7].

Зноскі

1. Указ Президиума Верховного Совета Белорусской ССР от 16 июля 1954 г. Об объединении сельских советов Гомельской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
2. Рашэнне выканкома Гомельскага абласнога Савета дэпутатаў працоўных ад 8 снежня 1966 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1967, № 1 (1159).
3. Белорусская ССР. Административно-территориальное деление. На 1 января 1974 года. (руск.). — Выданне 5-е. — Мн.: Беларусь, 1974. — С. 86. — 248 с. — 10 000 экз.
4. Решение Жлобинского районного Совета депутатов от 1 августа 2008 г. № 88 Об упразднении сельского населенного пункта Козел Солонского сельсовета Архівавана 16 лютага 2022.
5. Колькасць насельніцтва населеных пунктаў Гомельскай вобласці Беларусі паводле перапісу 2009 года
6. Этнічны склад насельніцтва сельсаветаў Беларусі паводле перапісу 2009 года
7. Колькасць насельніцтва населеных пунктаў Гомельскай вобласці Беларусі паводле перапісу 2019 года