Свята-Георгіеўская царква (Пераброддзе)

Свята-Георгіеўская царква — праваслаўны храм у в. Пераброддзе Мёрскага раёна Віцебскай вобласці.

Праваслаўная царква
Свята-Георгіеўская царква
55°37′34″ пн. ш. 27°23′38″ у. д.HGЯO
Краіна	Беларусь
Вёска	Пераброддзе
Канфесія	БПЦ
Епархія	Полацкая і Глыбоцкая епархія
Дата пабудовы	1911 год
Медыяфайлы на Вікісховішчы

У паняцця ёсць і іншыя значэнні, гл. Свята-Георгіеўская царква.

Гісторыя

У цэнтры вёскі. Пабудавана ў 1911 г. з дрэва на месцы храма 1700 г.^[1]

Архітэктура

Царква з боку апсіды

Помнік архітэктуры з рысамі рэтраспектыўна-рускага стылю. Вырашана крыжовай у плане аб'ёмна-прасторавай кампазіцыяй: працяглы прамавугольны ў плане прытвор-бабінец, папярочны аб'ём малітоўнай залы, пяцігранная апсіда з бакавымі рызніцамі. Сяродкрыжжа завершана васьмігранным барабанам з цыбулепадобнай галоўкай. Гарызантальна ашаляваныя фасады прарэзаны прамавугольнымі аконнымі праёмамі. Над фасадамі надбудавана двух'ярусная (васьмярык на чацверыку) шатровая званіца з макаўкай.

Зноскі

1. Материалы по истории и географии Дисненского и Виленского ўездов. Витебск, 1896. С. 148; Архіў Мінскага епархіяльнага ўпраўлення, «Дело церкви м. Переабродье».