Свята-Параскева-Пятніцкая царква (Пліса)

Свята-Параскева-Пятніцкая царква — праваслаўны храм у в. Пліса Глыбоцкага раёна Віцебскай вобласці. Знаходзіцца ў цэнтры вёскі.

Славутасць
Свята-Параскева-Пятніцкая царква
Каменны крыж і Свята-Параскева-Пятніцкая царква
55°13′11″ пн. ш. 27°57′21″ у. д.HGЯO
Краіна	Беларусь
Вёска	Пліса
Канфесія	БПЦ
Епархія	Полацкая і Глыбоцкая епархія
Дата пабудовы	1877 год
Медыяфайлы на Вікісховішчы

Гісторыя

Пабудавана ў 1877 годзе з цэглы^[1].

Архітэктура

Помнік архітэктуры рэтраспектыўна-рускага стылю. Трохчасткавую кампазіцыю фарміруюць кубападобныя аб’ёмы прытвора, малітоўнай залы і апсіды. Шацёр надбудаванай над прытворам трох’яруснай чатырохграннай званіцы завершаны макаўкай, пакаты чатырохсхільны дах цэнтральнага аб’ёму — цыбулепадобным купалам на васьмігранным барабане. Фасады расчлянёны прамавугольнымі аконнымі праёмамі ў кілепадобных ліштвах, апяразаны аркатурнымі фрызамі і вуглавымі руставанымі лапаткамі.

Зноскі

1. Архіў Мінскай епархіі, ПЛІ (Справа царквы в. Пліса).