Свята-Прачысценская царква (Чарняны)

Свята-Раства-Багародзіцкая царква — праваслаўны храм у Беларусі, у аграгарадку Чарняны Маларыцкага раёна Брэсцкай вобласці.

Славутасць
Свята-Прачысценская царква
51°59′05″ пн. ш. 24°13′03″ у. д.HGЯO
Краіна	Беларусь
Месцазнаходжанне	Чарняны
Канфесія	БПЦ
Епархія	Брэсцкая і Кобрынская епархія
Архітэктурны стыль	руска-візантыйская архітэктура
Дата пабудовы	1871 год
Медыяфайлы на Вікісховішчы

Гісторыя

Абраз «Божая Маці Замілаванне» 1644 года з Прачысценскай царквы. Музей старажытнабеларускай культуры

У паўднёва-ўсходняй частцы аграгарадка. Пабудавана ў 1871 годзе з дрэва^[1].

Архітэктура

Помнік архітэктуры рэтра-рускага стылю. Асноўны зруб накрыты шатровым дахам з макаўкай. Да яго з заходняга боку далучана 3-ярусная шатровая званіца, з усходняга — 5-гранная апсіда з бакавымі рызніцамі, завершаная макаўкай. Уваход вылучаны ганкам. Фасады расчлянёны на 3 ярусы фігурнай вертыкальна-гарызантальнай шалёўкай. Цэнтральны гарызантальна ашаляваны ярус прарэзаны прамавугольнымі аконнымі праёмамі ў ліштвах.

Інтэр’ер

Унутры апсіда вылучана драўляным іканастасам, створаным у 1830-я гг. Абразы 18 ст.: «Спас Пантакратар», «Ісус Хрыстос», «Ражджаство Багародзіцы», «Тайная вячэра», «Зняцце з крыжа», «Маці Божая Адзігітрыя», «Пакроў» (1783), «Маці Божая» (у драўляным разным абкладзе).

Зноскі

1. НГАБ у г. Гродна, ф. 1, воп. 19, спр. 1004, арк. 9 — 29.