Святаслаў Усеваладавіч Лазарэвіч

Святаслаў Усеваладавіч Лазарэвіч (нар. 14 лютага 1951, в. Мацеевічы, Пухавіцкі раён, Мінская вобласць) — беларускі спецыяліст у галіне батанікі і генетыкі. Доктар біялагічных навук (2003), дацэнт (1991).

Святаслаў Усеваладавіч Лазарэвіч
Дата нараджэння	14 лютага 1951(1951-02-14) (74 гады)
Месца нараджэння	Мацеевічы, Блужскі сельсавет, Пухавіцкі раён, Мінская вобласць, Беларуская ССР, СССР
Грамадзянства	СССР  Беларусь
Род дзейнасці	выкладчык універсітэта, навуковец
Месца працы	Агранамічны факультэт БДСГА École Nationale Supérieure Agronomique de Toulouse[d] Навукова-практычны цэнтр НАН Беларусі па земляробстве
Навуковая ступень	доктар біялагічных навук (2003)
Навуковае званне	прафесар
Альма-матар	Беларуская дзяржаўная сельскагаспадарчая акадэмія

У Вікіпедыі ёсць артыкулы пра іншых людзей з прозвішчам Лазарэвіч.

Біяграфія

Скончыў Беларускую сельскагаспадарчую акадэмію (спецыяльнасць «Аграномія», спецыялізацыя «Селекцыя і насенняводства», 1973; аспірантура, спецыяльнасць «Генетыка», 1978), Беларускую дзяржаўную сельскагаспадарчую акадэмію (дактарантура, спецыяльнасць «Батаніка», 1999).

Працаваў у Беларускім навукова-даследчым інстытуце земляробства (1973—1975, аддзел селекцыі пшаніцы, лабараторыя генетыкі і цыталогіі, малодшы навуковы супрацоўнік), Беларускай дзяржаўнай сельскагаспадарчай акадэміі (1975—1993 і з 1996 — агранамічны факультэт, кафедра батанікі і фізіялогіі раслін, прафесар), Ecole Nationale Superieure Agronomique de Toulouse (Францыя 1994—1995).

Навуковая дзейнасць

Навуковыя інтарэсы: генетыка і біялогія размнажэння трыцікале; эвалюцыя анатамічнага будовы сцябла злакаў; методыка выкладання батанікі ў сельскагаспадарчай ВНУ. Аўтар 6 вучэбных выданняў і манаграфій^[1].

Асноўныя публікацыі

• Эволюция анатомического строения стебля пшеницы. — Минск, 1999.
• Ботаника : учебное пособие. — Минск, 2012

Зноскі

1. ЛАЗАРЭВІЧ СВЯТАСЛАЎ УСЕВАЛАДАВІЧ (нявызн.)(недаступная спасылка). Архівавана з першакрыніцы 2 лістапада 2022. Праверана 5 сакавіка 2021.