Свіслацкая настаўніцкая семінарыя

У паняцця ёсць і іншыя значэнні, гл. Свіслацкая настаўніцкая семінарыя (значэнні).

Сві́слацкая настаўніцкая семінарыя^[1] — навучальная ўстанова для падрыхтоўкі школьных настаўнікаў, якая дзейнічала ў Свіслачы з 1876 да 1921 года. Заснаваная на месцы чатырохкласнай прагімназіі. У час Першай сустветнай вайны, з 1915 года, семінарыя дзейнічала ў эвакуацыі ў Мядыні ў Калужскай губерні^[2].

У семінарыі выкладаліся Закон Божы, асновы педагогікі, руская і царкоўнаславянская мовы, арыфметыка, асновы геаметрыі, фізіка, чарчэнне, каморніцтва, геаграфія, гісторыя, музыка, чыстапісанне, рамёствы і інш. Тэрмін навучання складаў 3 гады, з 1907 года — 4 гады^[1]. Семінарыя мела падрыхтоўчы клас, узорнае пачатковае вучылішча^[1]. У 1912/1913 навучальным годзе было 140 навучэнцаў^[1].

У 1877—1882 гадах у семінарыі настаўнічаў этнограф Мікалай Нікіфароўскі^[3].

Гл. таксама

• Свіслацкая беларуская настаўніцкая семінарыя

Зноскі

1. Беларусь 1995.
2. Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — 512 с. — 10 000 экз. — ISBN 985-11-0035-8. — ISBN 985-11-0238-5 (т. 14).
3. Супранович Е. П. Николай Яковлевич Никифоровский.