Сямейка Адамс

Сямейка Адамс, ці Сямейка Адамсаў — выдуманая сям'я, створаная амерыканскім карыкатурыстам Чарльзам Адамсам. Адамсы — эксцэнтрычны клан арыстакратаў, якія атрымліваюць асалоду ад жудасных і гратэскных рэчаў і, здаецца, не ўсведамляюць або не турбуюцца пра тое, што іншыя людзі лічаць іх дзіўнымі або страшнымі. Погляд Адамсаў на сваё сямейнае жыццё і інтарэсы як нармальныя стаў асновай для сатыры і камедыі. Першапачаткова яны з'явіліся ў серыі з 150 асобных аднапанэльных коміксаў, прыкладна палова з якіх была першапачаткова апублікавана ў The New Yorker паміж 1938 годам і смерцю іх стваральніка ў 1988 годзе. З тых часоў яны з'яўляліся ў іншых медыя, такіх як тэлебачанне, кіно, відэагульні, коміксы, мюзікл і мерч.

Сямейка Адамс
Названа ад	Charles Addams[d]
Краіна	ЗША
Вытворная праца	The Addams Family[d], The Addams Family[d], Halloween with the New Addams Family[d], The Addams Family[d], The Addams Family[d], Addams Family Values[d], The Addams Family: Pugsley's Scavenger Hunt[d], Addams Family Reunion[d], The New Addams Family[d], The Addams Family[d], The Addams Family 2[d], Уэнздэй і The Addams Family[d]
Стваральнік твора	Charles Addams[d]
Першапачатковая тэлесетка	ABC (тэлеканал)
Краіна паходжання	ЗША
Ілюстратар	Charles Addams[d]
Official forum URL	toonopedia.com/addams_f.…
Медыяфайлы на Вікісховішчы

Імёны членаў сям'і заставаліся невядомымі да 1960-х гадоў. Матрыярх Морціша і дачка Уэнсдэй атрымалі свае імёны, калі ў 1962 годзе выйшла ліцэнзаваная калекцыя лялек; патрыярх Гомес і сын Пагслі былі названыя, калі ў 1964 годзе выйшаў тэлесерыял.^[1] Сям'я Адамсаў складаецца з Гомеса і Морцішы Адамсаў, іх дзяцей, Уэнсдэй і Пагслі, а таксама блізкіх членаў сям'і дзядзькі Фестэра і бабулі, іх дварэцкага Лёрча і хатняга васьмінога Пагслі, Арыстоцеля. Цьмяна бачная Істота (пазней рука без цела) была прадстаўлена ў 1954 годзе, а стрыечны брат Гомеса Іт, хатні леў Морцішы Кіці Кэт і яе ж драпежная расліна Клеапатра — у 1964 годзе. Пуберт Адамс, малодшы брат Уэнсдэй і Пагслі, быў прадстаўлены ў фільме 1993 года Каштоўнасці сям'і Адамс.

Прэм'ера двухсезоннага тэлесерыяла адбылася на канале ABC у пятніцу, 18 верасня 1964 года.^[1] Анімацыйны серыял ад Hannah-Barbera выйшаў у эфір у 1973 годзе, і персанажы з'явіліся ў эпізадычных ролях у анімацыйным серыяле Новыя фільмы пра Скубі-Ду. Персанажы і акцёры тэлесерыяла 1960-х гадоў вярнуліся ў тэлефільме 1977 года пад назвай Хэлоўін з новай сям'ёй Адамс.

Франшыза была адроджана ў 1990-х гадах з серыяй фільмаў, якая складалася з Сямейка Адамс (1991) і Каштоўнасці сямейкі Адамс (1993). Фільмы натхнілі на другі анімацыйны серыял (1992–1993), дзеянне якога адбываецца ў тым жа выдуманым сусвеце. Серыял быў перазапушчаны фільмам 1998 года і спін-офам-тэлесерыялам (1998–1999). У 2010 годзе музычная адаптацыя з удзелам Нэйтана Лэйна і Бібі Нойвірт выйшла на Брадвеі і атрымала слабыя водгукі, але была намінавана на дзве прэміі «Тоні»^[2] і восем прэмій Drama Desk Awards, выйграўшы адну прэмію Drama Desk Award за выдатны дызайн сцэны.^[3] Серыя была перазапушчана зноў у 2019 годзе з анімацыйным фільмам Сямейка Адамс, які арымаў працяг у 2021 годзе. У 2022 годзе на Netflix выйшаў арыгінальны серял серыялам Уэнздэй, заснаваным на дачцэ сям'і.

Франшыза Сямейка Адамс, якая з'яўляецца адной з галоўных у поп-культуры на працягу васьмі дзесяцігоддзяў, паўплывала на амерыканскія коміксы, кіно і тэлебачанне. Гатычная субкультура таксама знаходзілася пад уплывам Сямейкі Адамс.^[4][5]

Спадчына

Сям'я аказала глыбокі ўплыў на амерыканскія коміксы, кіно і тэлебачанне^[6][7][8], а таксама лічылася натхненнем для гатычнай субкультуры і яе моды.^[9][10] Паводле The Telegraph, Адамсы — «адна з самых знакавых сем'яў у амерыканскай гісторыі, побач з Кенэдзі».^[11] Падобным чынам, часопіс Time параўнаў «актуальнасць і культурны ахоп» сям'і з Кенэдзі і Рузвельтамі, «настолькі важнай часткай амерыканскага ландшафту, што цяжка абмяркоўваць гісторыю краіны, не згадваючы іх».^[12] Для TV Guide, які пералічыў персанажаў у дзесятцы лепшых з «60 лепшых тэлевізійных сем'яў усіх часоў», Адамсы «забяспечылі дызайн для будучых мульцяшных кланаў, такіх як Флінстоўны і Сімпсаны».^[13] З-за сваёй папулярнасці першая паўнаметражная экранізацыя была прызнана «культавым фільмам»,^[14] а «Каштоўнасці сям'і Адамс» былі ўключаны ў спіс «50 лепшых сямейных фільмаў» па версіі The Guardian^[15] і намінаваныя на «100 лепшых фільмаў» Амерыканскага кінаінстытута.^[16]