Уладзімір Іванавіч Кужанаў

Уладзімір Іванавіч Кужанаў (27 чэрвеня 1952, Чырвонае Знамя, Буда-Кашалёўскі раён, Гомельская вобласць) — беларускі ваенны дзеяч, палітык. Палкоўнік.

Уладзімір Іванавіч Кужанаў
Нараджэнне	27 чэрвеня 1952(1952-06-27) (73 гады) Чырвонае Знамя, Узоўскі сельсавет, Буда-Кашалёўскі раён, Гомельская вобласць, Беларуская ССР, СССР
Адукацыя	БелДУТ Мінская вышэйшая партыйная школа
Месца працы	Камітэт дзяржаўнай бяспекі Рэспублікі Беларусь Служба бяспекі прэзідэнта Рэспублікі Беларусь
Ваенная служба
Званне	Палкоўнік
Узнагароды	ганаровая грамата Нацыянальнага сходу Рэспублікі Беларусь

Біяграфія

Скончыў Беларускі інстытут інжынераў чыгуначнага транспарту (інжынер), Мінскую вышэйшую партыйную школу (выкладчык грамадскіх дысцыплін), Інстытут нацыянальнай бяспекі Рэспублікі Беларусь.

Пасля службы ва Узброеных Сілах СССР працаваў у Мінскім лакаматыўным дэпо, служыў у органах Камітэта дзяржаўнай бяспекі Рэспублікі Беларусь, Службе бяспекі Прэзідэнта Рэспублікі Беларусь.

З 2 снежня 1998 года па 20 студзеня 1999 года выконваў абавязкі начальніка Службы бяспекі Прэзідэнта Рэспублікі Беларусь.

Быў афіцыйным прадстаўніком Камітэта дзяржаўнай бяспекі Рэспублікі Беларусь ва Украіне.

Выбіраўся дэпутатам Палаты прадстаўнікоў Нацыянальнага сходу Рэспублікі Беларусь трэцяга і чацвёртага скліканняў^[1].

Узнагароды

• сем медалёў,
• Ганаровая грамата Нацыянальнага сходу Рэспублікі Беларусь^[2].

Зноскі

1. КУЖАНОВ ВЛАДИМИР ИВАНОВИЧ(недаступная спасылка)
2. ПАРЛАМЕНТ- Нацыянальны сход Рэспублікі Беларусь трэцяга склікання Архівавана 16 верасня 2020.