Уладзімір Іосіфавіч Дзяшко

Уладзімір Іосіфавіч Дзяшко (нар. 2 ліпеня 1957) — беларускі дзяржаўны дзеяч. Заслужаны будаўнік Рэспублікі Беларусь (2021)^[1].

Уладзімір Іосіфавіч Дзяшко
намеснік Міністра архітэктуры і будаўніцтва Беларусі[d] 2000 — 2002
намеснік старшыні[d] снежань 2011 — 1 жніўня 2022
Нараджэнне	2 ліпеня 1957(1957-07-02) (68 гадоў) Пінскі раён, Брэсцкая вобласць, Беларуская ССР, СССР
Адукацыя	Брэсцкі інжынерна-будаўнічы інстытут (1979)
Месца працы	Гроднаграмадзянпраект Гроднапрамбуд
Узнагароды	Ганаровы грамадзянін горада Гродна (2011)

Біяграфія

Нарадзіўся ў Пінскім раёне. Скончыў Брэсцкі інжынерна-будаўнічы інстытут па спецыяльнасці «Прамысловае і цывільнае будаўніцтва». Працоўную дзейнасць пачаў у 1979 годзе. Працаваў майстрам СУ № 85, прарабам, галоўным інжынерам вытворчага аб’яднання «Гроднапрамбуд»^[1].

З 1987 па 2000 гады быў дырэктарам ААТ «Гроднапрамбуд». З 2000 па 2002 гады быў намеснікам міністра архітэктуры і будаўніцтва Рэспублікі Беларусь^[1].

У 2002—2011 гадах — дырэктар абласнога унітарнага праектнага прадпрыемства «Інстытут „Гроднаграмадзянпраект“»^[1]. З 2011 года — намеснік старшыні Гродзенскага аблвыканкама. У жніўні 2022 года пайшоў у адстаўку з пасады намесніка старшыні аблвыканкама, а ў верасні зноў быў прызначаны дырэктарам «Гроднаграмадзянпраекта»^[2].

У красавіку 2024 года быў выбраны дэлегатам на Усебеларускі народны сход 7-га склікання ад Беларускага грамадскага аб’яднання ветэранаў^[3].