Уснея квітучая

Уснея квітучая (Usnea florida) — від лішайнікаў^[1] рода Уснея сямейства Пармеліевыя.

Уснея квітучая
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Аскамікота Пададдзел:  Pezizomycotina Клас:  Lecanoromycetes Падклас:  Lecanoromycetidae Парадак:  Леканаральныя Сямейства:  Пармеліевыя Род:  Уснея Від:  Уснея квітучая
Міжнародная навуковая назва
Usnea florida (L.) Weber ех F.H.Wigg., 1780
Сістэматыка на Віківідах Выявы на Вікісховішчы ITIS   190794 NCBI   111620 EOL   1016133 MB   408391

Арэал і месцы рассялення

Заходняя і Цэнтральная Еўропа, Азія, Паўночная і Цэнтральная Амерыка. У Беларусі адзначаны ў Брэсцкай (Камянецкі і Пружанскі раёны), Віцебскай (Лепельскі, Аршанскі, Расонскі і Сенненскі раёны), Гомельскай (Добрушскі раён) і Магілёўскай (Асіповіцкі раён) абласцях^[1].

Расце на ствалах і галінах лісцевых дрэў, галінах елкі ў старых шыракалістых і іглічных лясах з павышанай вільготнасцю паветра.

Апісанне

Слаявішча ніцяна-кусцістае, адсталае ад аснавання, амаль аднолькавай даўжыні і шырыні (5-10 см), шэра- або попельна-зялёнае, з разбежнымі ва ўсе бакі пад шырокім вуглом грубаватымі галінкамі, амаль заўсёды заканчваецца апатэцыямі^[1]. Галінкі аднолькавай таўшчыні па ўсёй даўжыні і толькі да вяршыні становяцца больш тонкімі^[2]. Апатэцыі шматлікія, круглявыя, дыяметрам 3-8 мм^[1]. Споры акруглыя ці ледзь падоўжаныя, 7-8×9 мкм^[2].

Змяшчае спецыфічную для лішайнікаў уснінавую кіслату, якая валодае моцнымі антыбіятычныя ўласцівасцямі^[2].

Сінонімы

• Usnea barbata subsp. florida (L.) Vain., 1890
• Usnea barbata var. florida (L.) Fr.

Ахова

Від уключаны ў Чырвоную кнігу Беларусі 2-га выдання (1993). Ахоўваецца ў Польшчы і Латвіі^[1].

Зноскі

1. Уснея квітучая ў Чырвонай кнізе Беларусі(недаступная спасылка) (руск.)
2. Уснея цветистая // Лекарственные растения и их применение. — 5-е, перераб. и. доп.. — Мн.: «Наука и техника», 1974. — С. 56-57. — 592 с. — 120 000 экз.