Франц Іосіфавіч Валадзько

Франц Іосіфавіч Валадзько (нар. 3 сакавіка 1922, Асвея, Віцебская вобласць) — беларускі мастацтвазнаўца, мастацкі крытык.

Франц Іосіфавіч Валадзько
Дата нараджэння	3 сакавіка 1922(1922-03-03) (103 гады)
Месца нараджэння	Асвея, Дрысенскі павет, Віцебская губерня, РСФСР
Грамадзянства	Беларусь
Род дзейнасці	мастацтвазнавец, мастацкі крытык
Месца працы	Беларускі дзяржаўны тэатральна-мастацкі інстытут Беларускі рэспубліканскі навукова-метадычны цэнтр народнай творчасці і культурна-асветнай работы[d]
Альма-матар	Беларускі дзяржаўны тэатральна-мастацкі інстытут (1967)
Член у	Беларускі саюз мастакоў

У Вікіпедыі ёсць артыкулы пра іншых людзей з прозвішчам Валадзько.

Біяграфія

Нарадзіўся 3 сакавіка 1922 года ў вёсцы Асвея Віцебскай вобласці. Удзельнічаў у Вялікай Айчыннай вайне. У 1967 годзе скончыў Беларускі тэатральна-мастацкі інстытут^[1].

З 1961 па 1968 год працаваў у Беларускім тэатральна-мастацкім інстытуце, у 1968—1975 — намеснікам дырэктара Рэспубліканскага Дома народнай творчасці. З 1964 года друкаваўся ў перыядычнай прэсе, пераважна па праблемах дэкаратыўна-прыкладнога мастацтва^[1].

Член Беларускага саюза мастакоў з 1969 года^[1].

Творчасць

Даследаваў і крытычна асвятляў пытанні дэкаратыўна-прыкладнога мастацтва. Аўтар артыкулаў «Пралікі і здабыткі», «Мастацкія промыслы Беларусі», «Старэйшыя майстры керамікі», «Наваполацк — мастацкі воблік горада-81», «Не толькі дзеля прыгажосці», «Чалавек у інтэр’еры горада», «Дызайн і вытворчасць», «Аблічча вайны і вобраз Перамогі», «Выстаўка: колер ідэі і вобразаў». Пісаў творчыя партрэты мастакоў і нарысы для Беларускай энцыклапедыі^[1].