Чарапоўшчынскі сельсавет

Чарапо́ўшчынскі сельсавет — былая адміністрацыйна-тэрытарыяльная адзінка ў складзе Ушацкага раёна Віцебскай вобласці. Цэнтр — вёска Гушчынская Слабодка.

Чарапоўшчынскі сельсавет
Краіна	Беларуская ССР
Уваходзіў у	Ушацкі раён
Адміністрацыйны цэнтр	Гушчынская Слабодка
Дата ўтварэння	20 жніўня 1924
Дата скасавання	16 ліпеня 1954

Утвораны 20 жніўня 1924 года ў складзе Ушацкага раёна Полацкай акругі БССР. Цэнтр — вёска Чарапоўшчына. Пасля скасавання акруговай сістэмы 26 ліпеня 1930 года ва Ушацкім раёне БССР, з 21 чэрвеня 1935 года — Лепельскай акругі, з 20 лютага 1938 года — Віцебскай вобласці. У 1939 годзе цэнтр сельсавета перанесены ў вёску Гушчынская Слабодка. З 20 верасня 1944 года сельсавет ва Ушацкім раёне Полацкай вобласці, з 8 студзеня 1954 года — Віцебскай вобласці. 16 ліпеня 1954 года скасаваны, тэрыторыя далучана да Кубліцкага сельсавета^[1].