Шоу Трумана (саўндтрэк)

«Шоу Трумана» (англ.: The Truman Show) — саўндтрэк Буркхарда Дальвіца^[en] да аднайменнага фільма 1998 года рэжысёра Пітэра Уіра^[9]. Некаторыя кампазіцыі саўндтрэка належаць Філіпу Гласу, у тым ліку чатыры кампазіцыі з яго ранейшых прац («Павакацы^[en]», «Аніма мундзі^[en]», «Місіма: Жыццё ў чатырох главах^[en]»). Глас таксама з’яўляецца ў невялікім камэа ў фільме, адыгрываючы ролю адказнага за музыку ў «Шоу Трумана».

Шоу Трумана
англ.: The Truman Show
Саўндтрэк Буркхарда Дальвіца[en] і Філіпа Гласа
Дата выпуску	02.06.1998
Працягласць	56:32
Лэйбл	Milan Records[en][1]
Прафесійныя рэцэнзіі
AllMusic [2] Best Ever Albums [3] Filmtracks.com[en] [4] MusicBrainz [5] Rate Your Music[en] [6] SensCritique[fr] [7] Soundtrack Collector [8]

Немец па нацыянальнасці, Буркхард Дальвіц з 1979 года жыў і працаваў у Аўстраліі. Пішучы музыку для мясцовага тэлебачання і кіно, ён перыядычна рассылаў свае апошнія саўндтрэкі буйным прадзюсарам. Пасля завяршэння саўндтрэка да аўстралійскага навукова-фантастычнага фільма «Зона 39^[en]» ён даслаў адну з копій на офіс вядомага аўстралійскага рэжысёра Пітэра Уіра, які якраз у гэты час вярнуўся на радзіму пасля завяршэння здымак «Шоу Трумана». Падбіраючы музыку для кінастужкі, рэжысёр звярнуў увагу на саўндтрэк Дальвіца і прапанаваў яму працу^[10].

Альбом быў выпушчаны 2 чэрвеня 1998 года лэйблам «Milan Records^[en]»^[11]. За музыку да фільма Буркхард Дальвіц і Філіп Глас атрымалі шэраг кінематаграфічных узнагарод, у тым ліку «Залаты глобус»^[12].

Спіс кампазіцый

The Truman Show: Music from the Motion Picture
№	Назва	Аўтар	Працягласць
1.	«Trutalk»	Буркхард Дальвіц[en]	1:18
2.	«It's a Life»	Буркхард Дальвіц	1:30
3.	«Aquaphobia»	Буркхард Дальвіц	0:40
4.	«Dreaming of Fiji»	Філіп Глас	1:54
5.	«Flashback»	Буркхард Дальвіц	1:19
6.	«Anthem - Part 2»	Філіп Глас	3:50
7.	«The Beginning»	Філіп Глас	4:06
8.	«Romance-Larghetto[en]» (выканаўца Артур Рубінштэйн)	Фрыдэрык Шапен	10:42
9.	«Drive»	Буркхард Дальвіц	3:34
10.	«Underground»	Буркхард Дальвіц	0:56
11.	«Do Something!»	Буркхард Дальвіц	0:44
12.	«Living Waters»	Філіп Глас	3:48
13.	«Reunion»	Буркхард Дальвіц	2:26
14.	«Truman Sleeps»	Філіп Глас	1:51
15.	«Truman Sets Sail»	Буркхард Дальвіц	1:55
16.	«Underground/Storm»	Буркхард Дальвіц	3:37
17.	«Raising the Sail»	Філіп Глас	2:13
18.	«Father Kolbe's Preaching»	Войцех Кіляр	2:26
19.	«Opening»	Філіп Глас	2:14
20.	«A New Life»	Буркхард Дальвіц	1:58
21.	«20th Century Boy[en]» (выканаўца «The Big Six»)	Марк Болан[en]	3:07

Узнагароды і намінацыі

За музыку да фільма «Шоу Трумана» кампазітары Буркхард Дальвіц^[en] і Філіп Глас былі намініраваны на 6 кінематаграфічных узнагарод і перамаглі ў 5 намінацыях^[12]. Ніжэй прыведзены спіс узнагарод і намінацый у храналагічным парадку.

Кінафестываль / Кінапрэмія	Дата	Прэмія / Катэгорыя	Намінант(ы)	Вынік	Сп.
Супольнасць ланцуга прэмій	1998	Найлепшая арыгінальная музыка	Дальвіц[en], Глас	Перамога	[13][14]
Залаты глобус	24.01.1999[en]	Найлепшая музыка да фільма[en]	Дальвіц, Глас	Перамога	[15]
Асацыяцыя кінакрытыкаў Чыкага[en]	01.03.1999[en]	Найлепшая музыка[en]	Дальвіц	Перамога
Амерыканскае таварыства кампазітараў, аўтараў і выдаўцоў[en]	1999	Найлепшыя касавыя фільмы	Дальвіц, Глас	Перамога
Анлайн-асацыяцыя кіно і тэлебачання[pt]	1999	Найлепшая музыка ў драматычным фільме	Дальвіц, Глас	Перамога	[16]
Аўстралазійская асацыяцыя правоў выканаўцаў[en]	1999	Найлепшая музыка да фільма	Дальвіц	Намінацыя