Юзаф Цеханавецкі

Юзаф Цеханавецкі (1741 або 1748 — паміж 1801 і 1804) — ваенны дзеяч Вялікага Княства Літоўскага, дыпламат.

Юзаф Цеханавецкі
Дуброва
Нараджэнне	1741[1]
Смерць	1801[1]
Род	Цеханавецкія
Бацька	Фелікс Нікадзім Цеханавецкі[1]
Маці	Крысціна з Абрамовічаў[d]
Жонка	Ганна з Храпавіцкіх[d][1] і Петранела з Галынскіх[d][1]
Дзеці	Станіслаў Цеханавецкі[1], Тэрэза з Цеханавецкіх[d][1], Антаніна з Цеханавецкіх[d][1], Брыгіда з Цеханавецкіх[d][1] і Юзаф Цеханавецкі[d][1]
Званне	генерал-ад’ютант

У Вікіпедыі ёсць артыкулы пра іншых людзей з прозвішчам Цеханавецкі.

Біяграфія

Паходзіў з магнацкага роду Цеханавецкіх герба «Дуброва». Нарадзіўся ў сям’і Фелікса Нікадзіма Цеханавецкага.

Палац ў Бачэйкаве

Генерал-ад’ютант ВКЛ у 1770 годзе, сакратар пасольства Рэчы Паспалітай у Санкт-Пецярбургу да 1773 года. У маёнтку Бачэйкава пабудаваў каля 1769 года палац і школу для сялянскіх дзяцей.

Сям’я

Партрэт Станіслава і Юзафа Цеханавецкіх з партрэтам іх бацькі Юзафа Фелікса Нікадэма. Пачатак XIX стагоддзя

У шлюбе з Ганнай з Храпавіцкіх, дачкой Яўстаха Юзафа Храпавіцкага і Тэрэзы са Шчытоў-Неміровічаў. Дзеці:

• Станіслаў (каля 1790—1848), у шлюбе з Вікторыяй са Здзяхоўскіх.
• Юзаф.