Юлій Маркавіч Іргер

Юлій Маркавіч Іргер (4 чэрвеня 1897, Мінск — 26 мая 1941) — беларускі вучоны ў галіне хірургіі. Доктар медыцынскіх навук (1928), прафесар (1934). Заслужаны дзеяч навук БССР (1939). Брат нейрахірурга Іосіфа Іргера  (руск.).

Юлій Маркавіч Іргер
Дата нараджэння	4 чэрвеня 1897(1897-06-04)
Месца нараджэння	Мінск, Мінскі павет, Мінская губерня, Расійская імперыя
Дата смерці	26 мая 1941(1941-05-26) (43 гады)
Месца пахавання	Вайсковыя могілкі
Грамадзянства	Расійская імперыя  СССР
Род дзейнасці	хірург
Навуковая сфера	хірургія
Месца працы	БДМУ
Навуковая ступень	доктар медыцынскіх навук
Навуковае званне	прафесар
Альма-матар	МДУ
Узнагароды	Заслужаны дзеяч навук БССР

У Вікіпедыі ёсць артыкулы пра іншых людзей з прозвішчам Іргер.

Біяграфія

Нарадзіўся 4 чэрвеня 1897 года ў Мінску.

Пасля абвяшчэння БНР Ю. Іргер удзельнічаў у справе пераводу студэнтаў, ураджэнцаў Беларусі, з расійскіх універсітэтаў ва Украіну і ў Вобласць Войска Данскога^[1]. У 1922 годзе скончыў Маскоўскі ўніверсітэт. З 1934 года ў Мінскім медыцынскім інстытуце, з 1932 года адначасова кіраўнік Беларускага НДІ пералівання крыві. Навуковыя працы па пытаннях агульнай, клінічнай і аперацыйнай хірургіі, уралогіі, анатоміі і пералівання крыві.

Памёр 26 мая 1941 года. Пахаваны ў Мінску на Вайсковых могілках.

Навуковыя працы

• Першая дапамога ў няшчасных выпадках / Мін. Дом сан. асветы. Мн., 1931
• Пасляааперацыйная і пасляродавая затрымка мачы. Мн., 1932
• Проблема старасці і амаладжэння, 1932
• Дапаможнік па пераліванню крыві : Для сярэд. медперсаналу / Ю. М. Іргер, 1932

Зноскі

1. СТАЎЛЕННЕ ЯЎРЭЙСКАЙ ГРАМАДСКАСЦІ БЕЛАРУСІ ДА АБВЯШЧЭННЯ БНР (1918 г.) (нявызн.)(недаступная спасылка). Архівавана з першакрыніцы 25 снежня 2016. Праверана 16 сакавіка 2015.