Юрый Сямёнавіч Алелькавіч

Юрый (I) Сямёнавіч Слуцкі (1492 — 17 красавіка 1542) — удзельны князь слуцкі і капыльскі (1503—1542), пан рады Вялікага Княства Літоўскага, адзіны сын і пераемнік князя Сямёна Міхайлавіча Слуцкага (каля 1460—1503) ад шлюбу з Анастасіяй Іванаўнай Мсціслаўскай. Нашчадак вялікага князя літоўскага Гедзіміна ў VII калене і сваяк дынастыі Ягелонаў.

Юрый Сямёнавіч Слуцкі
альтэрн.: Юры Сямёнавіч Алелькавіч[1] укр.: Юрій Семенович Олелькович
Герб «Пагоня»
Князь слуцкі і капыльскі 1503 — 1542
Папярэднік	Сямён Міхайлавіч Слуцкі
Пераемнік	Сямён Юр'евіч Слуцкі
Нараджэнне	1492[2]
Смерць	17 красавіка 1542[3]
Род	Алелькавічы[4]
Бацька	Сямён Міхайлавіч Алелькавіч[d][5]
Маці	Анастасія Іванаўна[6]
Жонка	Алена з Радзівілаў[7][3]
Дзеці	Сямён Юр’евіч Слуцкі[d][3], Юрый Юр’евіч Слуцкі[d][8] і Соф’я з Алелькавічаў[d][3]
Веравызнанне	праваслаўе[3]
Бітвы	Бітва пад Оршай[3] Бітва пад Кіевам[3]

Біяграфія

У 1503 годзе пасля смерці бацькі Сямёна Міхайлавіча 10-гадовы Юрый стаў князем слуцкім. Фактычнай кіраваннем княствам да паўналецця Юрыя займалася яго маці, княгіня-ўдава Анастасія Іванаўна Слуцкая. Яна паспяхова абараняла княства ад набегаў крымскіх татараў і мяцежнага князя Міхаіла Глінскага.

У 1514 годзе са сваёй харугвай браў удзел у пераможнай бітве пад Оршай, у 1527—разгроме крымскіх чамбулаў на р. Альшаніцы пад Кіевам. Часта выступае разам з вялікім гетманам Канстанцінам Астрожскім, які ў 1523 годзе ажаніўся з яго малодшай сястрой Аляксандрай Сямёнаўнай (пам. пасля 1556).

Памёр у красавіку 1542 года, яго пераемнікам быў старэйшы сын Сямён.

Сям’я

У 1531 годзе ажаніўся з Аленай Мікалаеўнай Радзівіл (пам. 1546), дачкой ваяводы віленскага і канцлера вялікага літоўскага, князя Мікалая Мікалаевіча Радзівіла (каля 1470—1521), і Эльжбеты Саковіч (пам. пасля 1542).

Дзеці:

• Сямён Юр’евіч (пам. 1560), князь слуцкі (1542—1560)
• Юрый Юр’евіч (пам. 1578), князь слуцкі (1560—1578).
• Сафія — жонка Юрыя Хадкевіча з 1558 года

Зноскі

1. https://files.knihi.com/preview/Knihi/Slounik/VKL.pdf.zip/VKL_1.pdf/219_1332x9999.jpeg
2. Kniaziowie litewsko-ruscy od końca czternastego wieku / пад рэд. J. Wolff — Warszawa: 1895. — С. 331.

   <a href='https://wikidata.org/wiki/Track:Q125352562'></a>
3. Kniaziowie litewsko-ruscy od końca czternastego wieku / пад рэд. J. Wolff — Warszawa: 1895. — С. 332.

   <a href='https://wikidata.org/wiki/Track:Q125352562'></a>
4. Kniaziowie litewsko-ruscy od końca czternastego wieku / пад рэд. J. Wolff — Warszawa: 1895. — С. 331–332.

   <a href='https://wikidata.org/wiki/Track:Q125352562'></a>
5. Kniaziowie litewsko-ruscy od końca czternastego wieku / пад рэд. J. Wolff — Warszawa: 1895. — С. 330.

   <a href='https://wikidata.org/wiki/Track:Q125352562'></a>
6. Kniaziowie litewsko-ruscy od końca czternastego wieku / пад рэд. J. Wolff — Warszawa: 1895. — С. 265, 330–331.

   <a href='https://wikidata.org/wiki/Track:Q125352562'></a>
7. Radziwiłłowie herbu Trąby — Warszawa: Archiwum Główne Akt Dawnych, Wydawnictwo DiG, 1996. — 67 с. — ISBN 83-85490-62-0

   <a href='https://wikidata.org/wiki/Track:Q270'></a><a href='https://wikidata.org/wiki/Track:Q7209884'></a><a href='https://wikidata.org/wiki/Track:Q9379197'></a><a href='https://wikidata.org/wiki/Track:Q121885404'></a>
8. Kniaziowie litewsko-ruscy od końca czternastego wieku / пад рэд. J. Wolff — Warszawa: 1895. — С. 332, 333.

   <a href='https://wikidata.org/wiki/Track:Q125352562'></a>