Армія заваёвы

Армія заваёвы (араб. جيش الفتح‎‎, Джэйш аль-Фатх) — кааліцыя баявых фракцый, якія супрацьстаяць ураду Сірыі ў грамадзянскай вайне. Дзейнічае, у асноўным, у правінцыі Ідліб: некаторыя групы дзейнічаюць таксама ў мухафазах Хама і Латакія. Утворана 24 сакавіка 2015 года. 28 сакавіка 2015 года Армія заваёвы заняла г. Ідліб — цэнтр аднайменнай адміністрацыйнай вобласці (гл. Бітва за Ідліб)^[4]. У наступныя месяцы групоўка ішла ў авангардзе наступлення ў паўночна-заходняй Сірыі, у выніку якога ўрадавыя войскі былі выцеснены з вышэйзгаданай мухафазы^[5]. Пасля гэтага поспеху падраздзяленні Арміі заваёвы сталі ўзнікаць і ў іншых раёнах Сірыі.

Армія заваёвы
араб. جيش الفتح‎‎
Ідэалогія	Ісламізм салафіцкага толку[1]
Этнічная прыналежнасць	пераважна арабы
Штаб-кватэра	г. Ідліб
Актыўная ў	Сірыя
Сфарміравана	24 сакавіка 2015
Саюзнікі	Фатх-Халеб
Праціўнікі	Дэмакратычныя сілы Сірыі Хезбала[2] УС САР
Колькасць членаў	больш за 10000 (у Ідлібе)[3]
Удзел у канфліктах	Грамадзянская вайна ў Сірыі

Склад

Найбуйнейшай фракцыяй у складзе Арміі заваёвы з’яўляецца ісламісцкая групоўка Ахрар аш-Шам^[6]. Сярод іншых груповак можна адзначыць сірыйскае аддзяленне Аль-Каіды (Фронт аль-Нусра)^[7], Джэйш-аль-Мухаджырын валь-Ансар і групоўкі, складзеныя з членаў сірыйскага аддзялення «Братоў-мусульман». Таксама ў склад кааліцыі ўваходзяць больш умераныя групы^[8]. Па даных выдання «Al-Ahram Weekly», «Джэбхат-ан-Нусра і «Ахрар аш-Шам» складаюць 90 адсоткаў групоўкі. Саудаўцы і катарцы на 40 адсоткаў забяспечваюць яе фінансаванне»^[9]. Да зімы 2015 года «Армія заваёвы» панесла значныя страты ў ходзе асенне-зімовага наступлення САР і авіяўдараў ПКС РФ і пачала распадацца. Ад яе аддзяліліся як найбольш радыкальныя члены, якія выступалі за саюз з ІДІЛ, так і баевікі, верныя сірыйскаму аддзяленню «Братоў-мусульман»^[10][11]. Аднак у маі 2016 года кааліцыя рэарганізавалася і аднавіла колькасць за кошт уключэння ў яе шэрагі баевікоў Ісламскага руху Усходняга Туркестана і вяртання «Братоў-мусульман», што дазволіла ёй пачаць масіўнае наступленне ў правінцыі Алепа^[12].

Тэрарыстычныя акцыі

Узброеная кааліцыя «Джэйш аль-Фатх» узяла на сябе адказнасць за забойства расійскага пасла ў Турцыі Андрэя Карлава, якое адбылося 19 снежня 2016 года на адкрыцці фотавыставы ў Анкары^[13].

Зноскі

1. "Who's involved in the rebels' Aleppo offensive? The cliff-notes". The New Arab. 28 October 2016.
2. "Syrian rebels combat ISIS, Hezbollah in Qalamoun". ARA News. 15 May 2015. Архівавана з арыгінала 19 кастрычніка 2017. Праверана 22 жніўня 2019.
3. "The Syrian Rebellion Observatory". Facebook. 29 March 2015. Праверана 4 April 2015.
4. "Qaeda, allies seize Syria's Idlib city in blow to regime". AFP. 28 March 2015. Праверана 4 April 2015.
5. Rifai, Ryan. Syrian group claims control of Idlib province (нявызн.). Al Jazeera (6 чэрвеня 2015). Праверана 25 June 2015.
6. Syrian rebels fight Syrian army near Assad heartland (нявызн.). Newsweek (30 красавіка 2015). — «As the biggest group in Army of Fatah, Ahrar al-Sham appears to hold the key to preventing infighting.»  Праверана 1 May 2015.
7. 'Army of Conquest' rebel alliance pressures Syria regime (нявызн.). Daily Mail (28 красавіка 2015). — «The coalition, whose formation was announced in March, comprises a range of mostly jihadist and Islamist groups, the most prominent being Al-Qaeda affiliate Al-Nusra Front and the powerful Islamist Ahrar al-Sham [...] Other important members include Faylaq al-Sham, a coalition of Muslim Brotherhood-linked battalions, and Jund al-Aqsa, a small jihadist group.»  Праверана 2 May 2015.
8. Kim Sengupta (12 May 2015). "Turkey and Saudi Arabia alarm the West by backing Islamist extremists the Americans had bombed in Syria". The Independent.
9. "Gulf allies and 'Army of Conquest". Al-Ahram Weekly. 28 May 2015. Архівавана з арыгінала 19 верасня 2015. Праверана 22 жніўня 2019.
10. "Syrian rebel group says exits Islamist alliance to refocus fight". Reuter.
11. "Al Qaeda front group claims success in key Syrian town". The Long War Journal.
12. Jaysh al Fath coalition launches new offensive in Aleppo province | The Long War Journal
13. "СМИ сообщили об ответственности группировки "Джейш аль-Фатх" за убийство посла РФ". Интерфакс [руская]. 2016-12-21. Праверана 2016-12-21.

Спасылкі

• Army of Conquest ў сацыяльнай сетцы «Twitter» (ар.)