Котарскі заліў

Котарскі заліў (сербск.: Бока Которска, італ.: Bocche di Cattaro) — найбуйнейшая бухта на Адрыятычным моры, акружаная тэрыторыяй Чарнагорыі. Часам Котарскі заліў завуць самым паўднёвым фіёрдам Еўропы, аднак гэта сцвярджэнне няслушнае — заліў уяўляе сабой рачны каньён, які пагрузіўся ў мора.

Котарскі заліў
чарнагорск. Бока Которска
42°26′ пн. ш. 18°38′ у. д.HGЯO
Вышэйстаячая акваторыя	Адрыятычнае мора
Краіна	Чарнагорыя
Тып	бухта
Плошча	87 км²
Аб'ём	2 412,306 км³
Даўжыня берагавой лініі	107,3 км
Найбольшая глыбіня	60 м
Сярэдняя глыбіня	27,3 м
Плошча вадазбору	4 000 км²
Упадаюць	Карставыя крыніцы, Сопат, Скудра, глыбінныя крыніцы
Медыяфайлы на Вікісховішчы

Тэрыторыя вакол Котарскага заліва была заселена яшчэ з часоў антычнасці і захавала мноства сярэднявечных гарадоў. Шматлікія з іх, такія як Котар, Пераст, Рысан, Херцэг-Нові, з'яўляюцца важнымі турыстычнымі цэнтрамі.

Мясцовасць мае велізарнае культурнае і гістарычнае значэнне для чарнагорскага і харвацкага народаў. Рэлігійнае значэнне рэгіёна таксама вялікае: на берагах Котарскага заліва знаходзіцца мноства старадаўніх праваслаўных і каталіцкіх цэркваў, некаторыя з якіх з'яўляюцца месцамі паломніцтва.

Пад рэгіёнам Котарскага заліва прынята разумець тры чарнагорскія муніцыпальныя акругі: Котар, Тыват і Херцэг-Нові.

Літаратура

• Бокке ди Каттаро // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.
• Prof. Lazo M. Kostić, O srpskom karakteru Boke Kotorske, Herceg Novi, 1994.
• Vasko Kostić, Svetosavska ozarenost nevjeste Jadrana, Kult Svetog Save u Boki, Novi Sad, 1999.

Спасылкі

• На Вікісховішчы ёсць медыяфайлы па тэме Котарскі заліў