Палац Бжастоўскіх

Палац Бжастоўскіх (літ.: Bžostovskių rūmai) — палац у Старым горадзе Вільнюса на скрыжаванні вуліц Універсітэцкай (Universiteto g.) і Дамініканскай (Дамініканская № 18/2; Dominikonų g. 18/2). У цяперашні час у будынку размешчаны аптэка і прыватныя кватэры.

Палац
Палац Бжастоўскіх
літ.: Bžostovskių rūmai
54°40′54″ пн. ш. 25°17′11″ у. д.HGЯO
Краіна	Літва
Горад	Вільнюс
Архітэктурны стыль	Класіцызм
Архітэктар	Марцін Кнакфус
Медыяфайлы на Вікісховішчы

Гісторыя

У 1667 годзе двухпавярховы палац набыў дыпламат Цыпрыян Павел Бжастоўскі. У 1760-я ўладальнікам палаца быў яго нашчадак пісар і рэферэндар Вялікага Княства Літоўскага Павел Ксаверый Бжастоўскі. Сучасны выгляд будынак набыў пасля пажару 1748 года, калі ў 1769^[1] годзе ён быў пашыраны і перабудаваны ў стылі класіцызм паводле праекта славутага віленскага архітэктара Марціна Кнакфуса^[2].

Герб Нагурскіх над уязной аркай

Неўзабаве палац быў прададзены Якубу Нагурскаму, а пазней належаў Агінскім^[1]. З 1802 года ўладальнікам палаца быў кампазітар Міхал Клеафас Агінскі, аўтар паланэза «Развітанне з радзімай», пасля яго смерці — мецэнат Ірыніўш Клеафас Агінскі^[2].

У 1957 і 1982 гг. палац быў рэканструяваны, умацавана яго канструкцыя, другі паверх прыстасаваны пад кватэры. Частку першага паверху цяпер займае аптэка, частка будынка адведзена пад жылыя памяшканні.

Зноскі

1. Antanas Rimvydas Čaplikas. Šv. Jono, Dominikonų, Trakų gatvės. Vilnius: Charibdė, 1998. ISBN 9986-745-13-6. P. 125—131. (літ.)
2. «Страчаная сталіца». 10 палацаў Вільні, якія варта пабачыць беларусу Архівавана 5 сакавіка 2016.

Спасылкі

• На Вікісховішчы ёсць медыяфайлы па тэме Палац Бжастоўскіх
• 16. Bžostovskių rūmai (Posesija 430, Domininkonų g. 18/2)(недаступная спасылка)