From Wikipedia, the free encyclopedia
Сцяг Квебека (фр.: Drapeau du Québec) — адзін з сімвалаў канадскай правінцыі Квебек, Канада.
Сцяг Квебека (вядомы пад неафіцыйных назвай фр.: Fleurdelisé) быў прыняты 21 студзеня 1948 г. і ўяўляе сабой сіняе прамавугольнае палотнішча з белым прамым крыжам. У кожным сінім прамавугольніку намаляваная геральдычная лілея (флёр-дэ-ліс). Адносіны шырыні сцяга да яго даўжыні — 2:3.
Папярэднікамі сучаснага сцяга былі сцягі «Carillon» і «Carillon-Sacré-Cœur», таксама з выявай флёр-дэ-ліс, якія выкарыстоўваліся пачынаючы з парада 24 чэрвеня 1848. Сцяг з белым прамым крыжам на сінім або чырвоным палотнішчы выкарыстоўваўся ў якасці кармавога сцяга на французскіх судах у часе першапачатковага асваення сучаснай Канады (сіняе палотнішча было абрана для таго, каб сцяг больш адрозніваўся ад непапулярнага ў Квебеку чырвонага гандлёвага сцяга Вялікабрытаніі). Флёр-дэ-ліс і крыж падкрэсліваюць паходжанне жыхароў правінцыі і ролю Францыі ў засваенні Канады.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.