9 × 18 mm Makarov

An 9 × 18 mm Makarov (pe 9 mm Makarov hervez ar CIP) zo ur munision soviedel evit ar pistolennoù savet e 1946 gant Boris V. Semin hag implijet adalek 1951 gant armeoù broioù Pakt Varsovia.

Arabat eo droukveskañ gant 9 × 18 mm Ultra.

9 × 18 mm Makarov
Ur gartouchenn 9 × 18 mm Makarov
Doare
Bro orin	URSS
Doare korf an douilhez	kreuzenn, eeun
Doare skeiñ	e-kreiz
Bloavezh krouidigezh	1946
Muzulioù
Ø bannadell	9,27 mm
Ø trogleuziñ	9 mm
Ø kolier	9,91 mm
Ø korf an douilhez	9,95 mm
Ø strad	9,95 mm
Tevder ar strad	1,25 mm
Hirder an douilhez	18,10 mm
Hirder ar gartouchenn	25 mm
Perzhioù all
Pouez ar vannadell	3 - 7 g (standard da 6 g)
Tizh mont e-maez V0	305 - 564 m/s
Energiezh ar vannadell	286 - 464 J
Emors	SP
Lezenn
Rummad e Bro-C'hall	B

Al labour evit sevel ar gartouchenn a grogas un tammig a-raok an Eil Brezel-bed, met ar brezel a lakaas harz war an enklaskoù, a adkrogas e 1945 hepken. Izeloc'hik eo galloud an 9 mm Makarov evit hini an 9 mm Parabellum implijet e kalz broioù all, met an doktrin soviedat goude 1945 ne leze ket kalz plas d'ar pistolennoù-mindrailher, ha diezhomm e oa ur gartouchenn c'halloudus neuze, pa c'houlenn gwikefre an armoù-mañ muioc'h a energiezh. Boledoù standart an 9 mm Makarov a zo gwisket, met reoù emledus a voe pourveziet d'ar c'hKGB da vare C'hoarioù Olimpek Moskov e 1980. Savet e oant evit bezañ implijet war-vourzh kirri-nij^[1].

E-touez an nebeud armoù kambret e 9 mm Makarov e kaver pistolennoù evel ar Makarov, an FB P-64, an FB P-83, ar CZ 82 pe ar Stechkin, ha pistolennoù-mindrailher evel an FB PM-63 pe ar Škorpion vz. 61. Produet e vez c'hoazh evit arme Rusia, hag implijet e vez c'hoazh e kalz broioù bet en URSS gwechall.

Liammoù diavaez

• (fr) Taolenn ar munision war lec'hienn ar CIP