Avignon

Avignon (Avinhon ^[2] pe Avignoun^[3] e provañseg) zo ur gêr istorel war ar stêr Ron, e Provañs, ha pennlec'h departamant gall ar Vauclusa. Brudet eo evel kêr-benn ar bibien, er Grennamzer, hag ivez abalamour d'ar pont war ar Ron, a zo meneget en ur ganaouenn c'hallek, ha d'ar sizhunvezh c'hoariva a vez eno bep bloaz. Rummet eo bet he glad dibar Glad bedel gant an UNESCO. Avignon zo bet disklêriet Kêr-benn Europa ar sevenadur e 2000.

Avinhon
Palez ar bibien en Avinhon.
Anv okitanek	Avinhon
Anv gallek (ofisiel)	Avignon
Bro	Okitania Provañs
Melestradurezh
Stad	Frañs
Rannvro	Provence-Alpes-Côte d'Azur
Departamant	Vauclusa (prefeti)
Arondisamant	Avinhon (pennlec'h)
Kanton	Pennlec'h pevar c'hanton
Kod kumun	84007
Kod post	84000
Maer Amzer gefridi	Cécile Helle 2014-2020
Etrekumuniezh	Communauté d'agglomération du Grand Avignon
Lec'hienn web	avignon.fr
Poblañsouriezh
Poblañs	91 760 ann. (2022)[1]
Stankter	1 416 ann./km²
Douaroniezh
Daveennoù lec'hiañ
Uhelderioù	bihanañ 10 m — brasañ 122 m
Gorread	64,78 km²
kemmañ

E 2022 e oa 91 760 a annezidi enni^[4], ha 530 267 en tolead kêr.

Istor

Annezet e voe al lec'h adalek an Neolitik evel m'eo bet prouet gant furchadegoù e Roc'h an Domed ha Karter ar Balance.^[5]

Erruout a rejont al legionoù roman tro 120 kt JK.

Roue ar Franked C'hlodwig Iañ a lakaas ar seziz war ar gêr e 500. Saveteet e voe Gondovald, roue ar Vurgonded a drugarez d'ar jeneral roman Aredius, deuet da sikour anezhañ.

Etre 1309 ha 1418 edo ar bibien o chom e kêr Avinhon, setu perak e vez lesanvet "Kêr ar Bibien" hiziv hon deiz.