Hauts-de-Seine

An Hauts-de-Seine (distaget [odˈsɛn]) a zo unan eus an departamantoù savet e 1968 en-dro da gêr Bariz, er rannvro Enez-Frañs. Nanterre eo ar pennlec'h anezhañ. Savet eo bet diwar an departamant kozh Seine ma oa Pariz ar pennlec'h anezhañ, hag un toullad kumunioù eus ar Seine-et-Oise. An niverenn 92 a zo roet dezhañ. Dont a ra e anv — Uhelennoù Saena — eus hini ar stêr Seine.

Hauts-de-Seine
Melestradurezh
Riez	Frañs
Rannvro	Enez-Frañs
Pennlec'h (prefeti)	Nanterre
Isprefetioù	Antony Boulogne-Billancourt
Prezidant ar c'huzul-departamant	Patrick Devedjian (UMP)
Prefed	Pierre Soubelet
Kod EBSSA	92
Kod ISO 3166-2	FR-92
Kod Eurostat NUTS-3	FR105
Poblañsouriezh
Poblañs	1 647 435 ann. (2022)[1]
Stankter	9 360 ann./km²
Douaroniezh
Kenurzhiennoù	48° 49′ 59″ Norzh 2° 12′ 00″ Reter
Gorread	176 km²
Adrannoù
Arondisamantoù	3
Pastelloù-bro	13
Kantonioù	23
Etrekumuniezhioù	1
Kumunioù	36
kemmañ

Unan eus an departamantoù pinvidikañ a zo e Bro-C'hall eo: eno emañ sez un toullad chadennoù skinwel gall, hag eno e vez marilhet ar muiañ a girri-tan.

Istor

E-pad meur a vloaz eo bet dalc'het an departamant gant ur skipailh renet gant Charles Pasqua, bet prezidant ar SAC a-raok bezañ ministr an Diabarzh. Nicolas Sarkozy a oa prezidant Kuzul an Departamant betek miz Mae 2007. Anvet da brezidant Bro-C'hall en doa roet e zilez.

Arondisamantoù an Hauts-de-Seine

• Arondisamant Antony
• Arondisamant Boulogne-Billancourt
• Arondisamant Nanterre

Liammoù diavaez

Commons

Muioc'h a restroù diwar-benn

Hauts-de-Seine

a vo kavet e Wikimedia Commons.

• Lec'hienn ar C'huzul-departamant
• Lec'hienn ar stad en departamant (prefeti)
• Touristañ en Hauts-de-Seine