Isis

Isis eo an anv a orin gresianek a roer da Aset pe Iset, doueez gwarezerez ha salvus e mitologiezh Henegipt. Ezel eo eus Navad Bras Iounou.

Isis

Ancient Egyptian deity

Rann eus	Egyptian mythology
Reizh pe jener	plac'h
Tad	Geb
Mamm	Nout
Breur pe c'hoar	Seth, Neftis, Osiris
Pried	Osiris
Bugel	Horus, Anubis
Studier	Gambrinus
Azeulet gant	religion of ancient Egypt, Fellowship of Isis, mysteries of Isis
Dezverket dre	sistrum, Ankh
Epithet	Pelagia

 

 Eus Wikidata

Seblantout a ra e oa personeladur an tron gwezhall. E anv egiptat e hieroglifoù Egipt a dalvez "an azezenn". En enskrivadurioù e veze diskouezet da gentañ dindan stumm ur vaouez gant ur gador a dalvez dezhi da goef.
Diwezhatoc'h e cheñchas an doare d'he zaolenniñ. Gwelet e vez dindan stumm ur vaouez dezhi kerniel ur vuoc'h a bep tu d'ur skant a arouez al Loar ; arabat eo neuze he droukveskañ gant Hathor, a oa doueez ar garantez, ar gened, ar sonerezh, ar vammelezh hag al levenez.

En arzoù

• E 1677 e savas Jean-Baptiste Lully un drajedienn lirek anvet Isis a zanevelle avanturioù an nimfenn Io a zeue da vezañ an doueez Isis a-drugarez da Jupiter, e diwezh an opera, o liammañ e-giz-se ar vitologiezh c'hresian hag ar vitologezh egiptat.

"Opera ar sonerien" a voe graet eus Isis abalamour d'ar binvioù-seniñ niverus zo talvoudekaet a bep eil. Meuliñ a ra klod Loeiz XVI hag e drec'hoù en Izelvroioù. Talvezout a ra ar boan menegiñ laz-kanañ ar "Grenerien".

• Anv kentañ romant ar Breizhad Auguste de Villiers de L'Isle-Adam (1838-1889) eo Isis e 1862, unan eus pennoberennoù al lennegezh c'hallek da lavaras an arbennigourien^[1].
• Das verschleierte Bild zu Sais "Ar skeudenn vouchet e Sais"^[2] eo anv ur varzhoneg gant Friedrich von Schiller diwar-benn gouel Isis (1795).
• La Quête Isis eo anv trede levrenn eus Les perspectives dépravées gant an istorour gallek lituanian Jurgis Baltrušaitis (1903-1988)^[3].

• 
  Isis e Mirdi Karnak
• 
  Isis hag Horus
  (Berliner Museum)
• 
  Isis hag Horus
  (Mirdi al Louvre)