John

John eo an anv-bihan saoznek stankañ, betek hon amzer, savet diwar an anv biblek Johannes, stumm henc'hresianek un anv hebreek a orin, ha kar d'an anv-bihan brezhonek Yann.

Stummoù all

• Joan, Joanna, Jane eo ar furmoù gwregel
• Johnny ha Jack, eo ar stummoù bihanaat

Yezhoù all

• Giovanni, en italianeg
• Jean, e galleg
• João, e portugaleg
• Joan, e katalaneg
• Jon, en euskareg, albaneg ha saozneg
• Juan, e spagnoleg
• Yann, e brezhoneg

Tud brudet

John Kennedy gant John John en Ti Gwenn.

Evel ma'z eo an anv saoznek stankañ ne vo ket graet ul listenn eus an dud en anv-se. Menegomp memestra:

• ar roue saoz brudet, John Lackland, anvet ivez Yann Dizouar e brezhoneg, ar roue John nemetañ en istor ar Saozon,
• John Cabot pe Giovanni Caboto (1440-1498), merdeer
• John Locke (1632-1704), prederour saoz
• John Everett Millais (1829-1896), livour saoz
• John Gerrard Keulemans (1842-1912), livour ha skeudennaouer izelvroat
• John Muir (1838-1914), naturour skosat ha stadunanat
• John William Waterhouse (1849-1917), livour saoz

XX^vet kantved

• John Ronald Reuel Tolkien (1892-1973), skrivagner saoz
• John Steinbeck (1902-1968), skrivagner stadunanat
• John von Neumann (1903-1957), matematikour ha fizikour hungarat ha stadunanat
• John Fitzgerald Kennedy (1917-1963), bet prezidant SUA, muntret
  • John F. Kennedy Jr. (1960-1999), e vab, lesanvet "John-John"
• John le Carré, anv-pluenn David John Moore Cornwell (1931-2020) , romantour saoz,
• John Boorman (ganet e 1933), filmsevenour saoz
• John Lennon (1940-1980), kaner ar stollad sonerezh poblek saoz The Beatles, muntret
• John Travolta (1954-), aktour stadunanat

Anv-tiegezh

John zo ivez un anv-tiegezh a gaver e meur a vro, en o zouez ro-Alamagn ha Bro-Gembre.

Diwar an anv-bihan John eo bet savet an anv-tiegezh Jones, stankoc'h e Kembre eget e lec'h all.
Johns zo anavezet ivez, ha Johnson.

Lesanv

Diwar John eo bet savet Johnny, hag al lesanv Johnniged, pe Jonied graet eus ar Vretoned a werzhe ognon, poent zo bet, e Breizh-Veur.

Pennadoù kar

• Jon

hag ivez:

• John Davies
• John Jones
• John Ford
• John Roberts
• John Smith
• John Williams